لە کۆتایدا ئەپی ڤایبەر بە زیادکردنی دۆخی تاریک (Dark Mode) ـەوە بۆ iOS نوێکرایەوە

لە چەند ڕۆژی ڕابردوودا کۆمپانیای ڤایبەر ئەپەکەی بە تایبەتمەندی دۆخی تاریک (Dark Mode) ـەوە نوێکردەوە، بەڵام بە تەنها بۆ Android. دوێنێ کۆمپانیاکە تایبەتمەندی دۆخی تاریکی بۆ ئەپەکەی لە iOS زیادکرد.

• ڤایبەر لە ئەندرۆید دۆخی تاریک Dark Modeـی بۆ زیادکرا + چۆنیەتی چالاککردن

لە دواین وەشانی ئەپی ڤایبەردا بۆ iOS کە وەشانی 10.4 ـە، تایبەتمەندی دۆخی تاریکی لە خۆ گرتووە. لەگەڵ دۆخەکەدا دەتوانیت ئاسوودەتر لە شەودا گفتوگۆ ئەنجام بدەیت، چاوەکان لە زیان دەپارێزێت و شێوەیەکی جوان دەبەخشێت بە ئەو ئایفۆنانەی کە ڕوونماکانیان لە جۆری OLED ـە. چەند وێنەیەکی نێو ئەپەکە بە کاراکردنی دۆخی تاریک:

چۆنیەتی کاراکردنی دۆخەکە:

• کردنەوەی تابی More لە بەشی خوارەوەی ئەپەکە
• کردنەوەی بەشی Settings
• کردنەوەی بەشی Appearance
• هەڵکردنی دوگمەی Dark Mode

نوێکردنەوە/داگرتنی ئەپی Viber بۆ iOS

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەری iOS، هەواداری  و خوێندکاری پەیمانگەی زانستی کۆمپیوتەر.