ئەندرۆید

گووگڵ وەشانی دووەمی تاقیکاری لە Android Q بڵاوکردەوە

لە دوای کەمتر لە مانگێک لە یەکەم وەشانی تاقیکاری لە ئەندرۆید کیو، ئەمڕۆ گووگڵ وەشانی دووەمی تاقیکاری Beta 2ی لە ئەندرۆید ١٠ بەردەست کرد.

هەروەکو هەمیشە، ئەم وەشانە زیاتر جەختی کردووە لە چاکسازی و چارەسەرکردنی هەڵەکان کە لە وەشانی پێشتر هەبوون بە مەبەستی جێگیرترکردنی بۆ ئیشکردن و گونجاندنی لەگەڵ کاری ئاسایی ڕۆژانە.

هەروەها ئەم وەشانە پشتگیری لە Chat Bubble دەرپەڕیووەکانی سەر ڕوونما دەکات بۆ وەڵامدانەوەی نۆتیفیکەیشن واتە ئاگاهییەکان بەبێ چوونە ناو ئەپەکە. ئەمە لەسەر شێوەی Chat Headsـی مێسنجەرە لەسەر ئەندرۆید. هەروەک ئەم وەشانە پشتگیری لە شاردنەوەی نۆتیفیکەیشنەکان دەکات بە بردنی بۆ لای چەپ یان ڕاست. ئەمە و گۆڕانکاری لە شێوەی میلی پاتری و دەنگ و میوزیک لەسەر مۆبایلەکانی پیکسڵ.

شایەنی وەبیرهێنانەوەیە، گووگڵ دووپاتی کردووەتەوە کە ٥ بۆ ٦ وەشانی تاقیکاری بەردەست دەکرێن پێش وەشانی فەرمی و کۆتایی کە لەوەیە بکەوێتە مانگی ٨ یان ٩ی ئەم ساڵ.

دەتوانن زانیاری پتر لە بەستەری سەرچاوە لە خوارەوە بخوێننەوە.

سەرچاوە :

4 نیسان، 2019
ئاڤاتار
تەکنەلۆژیا بەشێکە لە ژیانم و ساڵانێکە هەواڵ و زانیاری بە زمانی کوردی دەنوسم و لە چەندین ماڵپەڕ و گۆڤار بڵاوم کردوونەتەوە و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ٦ ساڵە. ئیتر گرافیک دیزاینەریشم لە ئاستێکی باشدا و لە پای ئەم ئیشانەشدا مامۆستای زانکۆم! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!
1169