ئای ئۆ ئێس

ئەپێکی نوێی تایبەت بە کارپێکەری پۆدکاستەکان ڕێگەت پێ دەدات بزانیت هاوڕێکانت گوێ لە چی دەگرن

ئەپەکانی چەشنی پۆدکاست زۆرن، بەڵام کێشەیان ئەوە کە ناتوانیت بزانیت هاوڕێکانت گوێ لە کام پۆدکاستانە دەگرن و چی پێشنیار دەکەن. ئەپێکی نوێ ئەم کێشەیەی چارەسەر کرد.

لە هەفتەی ڕابردوودا ئەپی Swoot بۆ هەردوو سیستەمی ئای ئۆ ئێس و ئەندرۆید بەردەستکرا. خاوەن بیرۆکەیەکی نوێیە کە ڕێگەت پێ دەدات بزانیت هاوڕێیان و یاخود ئەو کەسانەی کە شوێنیان کەوتوویت گوێ لە چی دەگرن، هەروەها دەتوانیت ئەو زنجیرە پۆدکاستانە ببینیت کە هاوڕێکانت پێشنیاری دەکەن. لەگەڵ ئەوەشدا، خاوەن دیزاینێکی سادە و جوانە و ئاسانە لە بەکارهێنان.

ئەوەی پێویستە بۆ بەکارهێنان، داخڵ بوونە لە ڕێگای درووستکردنی هەژمار بە ئیمەیڵ، یاخود داخڵبوون لە ڕێگای هەژماری فەیسبووک و گووگڵ.

کرتە لە وێنۆچکەکانی خوارەوە بکە بۆ داگرتن.

21 نیسان، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
690