مۆبایل و تابلێت

کۆمپانیای Nubia مۆبایلی Nubia Red Magic 3 ـی تایبەت بە یاریکردنی بە پڕۆسێسەری Snapdragon 855 ـەوە ڕاگەیاند

کۆمپانیای Nubia ـی چینی درێژەی بە زنجیرە مۆبایلی Nubia Red Magic ـدا و لە بۆنەیەکی تایبەتدا نەوەی سێیەمی لە زنجیرەکە بە ئاستێکی بەرزەوە بەردەست کرد.

مۆبایلەکە خاوەن ڕوونمایەکە بە قەبارەی 6.65 ئینج لە جۆری AMOLED و بە ڕوونی +FHD و بە خێرایی 90 هێرتز. پڕۆسێسەری Snapdragon 855 ـی لەسەر جێگیرە و خاوەن بژاردەی ڕامی 6 و 8 و 12 گێگابایتییە لەگەڵ بیرگەی ناوەکی بە بژاردەکانی 128 و 256 گێگابایت. لە پشتەوە خاوەن یەک کامێرایە بە ڕوونی 48 مێگاپێکسڵ و کامێرایەکیش لە پێشەوە بە ڕوونی 16 مێگاپێکسڵ. لە پشتەوە خاوەنی هەستەوەری پەنجەمۆرە، هەروەها خاوەن پاترییەکە بە توانستی 5.000 ملی ئەمپێر.

گشت تایبەتمەندییەکانی مۆبایلی Nubia Red Magic 3:

  • ڕوونما: 6.65 ئینج – جۆری AMOLED – ڕوونی +FHD – خێرایی 90 هێرتز.
  • پڕۆسێسەر: Qualcomm Snapdragon 855.
  • گرافیک: Adreno 640.
  • ڕام: 6 – 8 – 12 گێگابایت.
  • بیرگە: 128 – 256 گێگابایت.
  • ئەستووری: –
  • کێش: –
  • پاتری: 5.000 ملی ئەمپێر/کاتژمێر.
  • بارگاویکردنەوە: بارگاویکەرەوەی خێرا بە توانای 30 وات.
  • کامێرای پشتەوە: 48 مێگاپێکسڵ – جۆری Sony IMX 586 – تیرەی f/1.7.
  • کامێرای پێشەوە(سێڵفی): 16 مێگاپێکسڵ – تیرەی f/2.0.
  • هەستەوەری ئاسایشی: هەستەوەری پەنجەمۆر لە پشتەوە.
  • دەرچە: USB-C
  • دەنگ: بڵندگۆی Stereo لە پشتەوە.
  • ڕەنگ: ڕەش – ڕەشی فریودەر – سوور – شین – سووری تێکەڵاو.
  • سیستەمی کارپێکەر: Android 9 Pie

نرخی لە 430$ ـەوە دەستپێدەکات و لە ڕێکەوتی 3 ـی مانگی داهاتوودا لە بازاڕەکانی چین بەردەست دەکرێت.

سەرچاوە :

29 نیسان، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
690