هەواڵ 7, حوزه‌یران 2019

نۆکیا بە فەرمی مۆبایلی Nokia 2.2ـی بە نرخی 100 دۆلار و پڕۆسێسەری Helio A22ـەوە ڕاگەیاند

کۆمپانیای نۆکیا لە ماوەی ڕابردوودا بە فەرمی Nokia 2.2ـی نمایشکرد و وەک چاوەڕوان دەکرا مۆبایلەکە لە جۆری ئاست نزمە و نرخێکی بێگومان کەمیشی هەیە کە تەنها 100 دۆلارە. لە ڕووکاری پێشەوە مۆبایلەکە خاوەنی ڕوونمایەکە لە جۆری IPS LCD و لە بەشی سەرەوەی نۆچێکی بچوک بوونی هەیە و کامێرای پێشەوەی مۆبایلەکەی تێدا جێگیرکراوە.

لە ڕووکاری پشتەوەش Nokia 2.2 خاوەنی کامێرایەکە بە ڕوونی 13 مێگاپێکسڵ و لە خوارەوەش خاوەنی فلاشێکی LEDـە، مۆبایلەکە پێشوەختە سیستمی ئەندرۆید پای 9.0ـی لەسەر جێگیرکراوە و لەگەڵ ئەوەشدا پێدەچێت سیستمی ئەندرۆید کیوی پێبگات. سەرەڕای ئەمانە Nokia 2.2 کاردەکات بە پڕۆسێسەرێک لە جۆری Helio A22 و خاوەنی ڕامێکە بە قەبارەی 2 یان 3 گێگابایت لەگەڵ بیرگەیەک بە فراوانی 16 یان 32 گێگابایت.

گرنگترین تایبەتمەندییەکان:-

  • ڕوونما: لە جۆری IPS LCD و بە قەبارەی 5.71 ئینج و بە ڕوونی +HD و بە دووری 19:9
  • پڕۆسێسەر: Helio A22
  • پڕۆسێسەری گرافیک: GE8320
  • سیستمی وەگەڕخەر: ئەندرۆید پای 9.0
  • کامێرای پێشەوە: 5 مێگاپێکسڵ
  • کامێرای پشتەوە: 13 مێگاپێکسڵ
  • توانستی پاتری: 3000 ملی ئەمپێر و پشتگیری لە بارگاویکەرەوەی خێرا ناکات
  • پاراستن: هەستەوەری ناسەرەوەی ڕووخسار
  • ڕام: 2 یان 3 گێگابایت
  • بیرگە: 16 یان 32 گێگابایت و دەتوانرێت زیاد بکرێت لە ڕێگای بیرگەی دەرەکی microSDـەوە
  • ڕەنگ: ڕەش و خۆڵەمێشی
  • نرخ: 100 دۆلار بۆ جۆری 16/2 گێگابایت و 115 دۆلار بۆ جۆری 3/32 گێگابایت
  • بەرواری بەردەستبوون: 11/6/2019 لە هیند

سەرچاوە:

  • GSM Arena
تاگەکان Nokia 2.2
بۆچونی تۆ