10
مۆبایل و تابلێت 26, حوزه‌یران 2019 بۆچوون

کۆمپانیای میدیاتێک پڕۆسێسەری نوێی Helio P65ی ڕاگەیاند

نوێترین پڕۆسێسەری میدیاتێک Helio P65ە و خاوەن ٨ ناوکە، ٢ دانەی Cortex-A75 و ٦ دانەی Cortex-A55، بە وتەی کۆمپانیای ARM، ناوکی A75 بە بڕی ٢٢٪ لە A73 و ناوکی A55 بە بڕی ١٨٪ لە A53 خێراترن، GPUی پڕۆسێسەرەکە لە جۆری Mali-G52ە و NPUەکیش بەرپرسە لە فرمانەکانی پەیوەست بە زیرەکی دەستکرد لە پڕۆسێسەرەکە کە بە وتەی کۆمپانیاکە ٢ هێندەی NPUی پڕۆسێسەرەکانی پێشووی زنجیرەی P خێرایە.

پڕۆسێسەرەکە پشتگیری کامێرا دەکات تاوەکوو ڕوونی ٤٨ مێگاپیکسڵ و دەتوانێت وێنەی Bokeh بەرهەم بهێنێت تەنانەت بە ١ کامێراش، ئەوەی جێگای داخە ئەوەیە پڕۆسێسەرەکە پشتگیری کۆمەڵێک تایبەتمەندی گرنگ ناکات وەک تۆمارکردنی ڤیدیۆی 4K و بیرگەی جۆری UFS و ڕامی دوانە کەناڵ، هیچ باسێکیش لەوە نەکراوە پڕۆسێسەرەکە چەند نانۆمەترییە بەڵام پێشبینی دەکرێت وەک P60 و P70 ١٢ نانۆمەتری بێت.

 

 

سەرچاوە :
تاگەکان Mediatek SoC هەواڵ
بۆچونی تۆ