باشترین مۆبایلەکانی گرتنی سێڵفی(ئەندرۆید)

ستافی ماڵپەڕی Android central کە بەردەوام زۆرینەی مۆبایلە ئەندرۆیدەکان تاقی دەکەنەوە باشترینیان دیاری کردووە لە گرتنی سێڵفیدا و ئەنجامەکانیش بەم شێوەیەن:

١-باشترین بە گشتی:

Google Pixel 3 XL

بەرزترین مۆبایلی گووگڵ نەک هەر لەسەر ئاستی کامێرای دواوە بەڵکوو لەسەر ئاستی کامێرای پێشەوەش ئاستێکی ئێجگار نایاب پێشکەش دەکات و کامێرای گۆشە فراوانی لە پێشەوەش هەیە بۆ ئەوەی هاوڕێکانیشت لە سێڵفییەکە بێبەش نەبن!

٢-جێگیرترین ئاست:

+Samsung Galaxy S10

ئەمیش یەکێکی دیکەیە لەو مۆبایلانەی لە پێشەوە ٢ کامێرای هەیە، بەڵام وەک پیکسڵەکە نییە و کامێرای دووەمی لە جۆری قوڵییە نەوەک گۆشە فراوان و تەنها بۆ باشتر تەڵخکردنی پشتی سێڵفییەکان بەکاردێت و هەروەها فۆوکەسی خۆکارانەی هەیە کە ئەمەش لە ژمارەیەکی کەم کامێرای سێڵفیدا هەیە!

٣-باشترین لە نرخی هەرزاندا:

Nokia 7.1

ئەگەر شەیدای سێڵفیت و ناشتەوێت پارەیەکی زۆر بە مۆبایل بدەیت ئەوا نۆکیا باشترین فریادڕەستە، مۆبایلەکەی کۆمپانیا فینلەندییەکە سێڵفی جوان دەگرێت و گۆشەکەشی بەشی ئەوەندە فراوانە هاوڕێیانیشت بێنە ناو وێنەکە! ئەمە جگە لە دۆخی Bothie کە بەهۆیەوە دەتوانیت لە هەمان ساتدا وێنە بە هەردوو کامێرای دواوە و پێشەوە بگریت.