10
شاومی 17, ته‌مموز 2019 بۆچوون

شاومی مۆبایلی Mi A3 ـی بە پڕۆسێسەری Snapdragon 665 و کامێرای 48 مێگاپێکسڵییەوە ڕاگەیاند

لە دوای زنجیرەیەک لە پڕوپاگەندە و بڵاوبوونەوەی وێنە دزەپێکراوە زیندووەکانی، ئەمڕۆ بە فەرمی کۆمپانیای شاومی مۆبایلی Mi A3 ـی بە پڕۆسێسەری Snapdragon 665 و کامێرای 48 مێگاپێکسڵییەوە ڕاگەیاند. بەڵام ئەوە نەبوو کە چاوەڕێمان دەکرد.

تایبەتمەندییەکانی مۆبایلەکە نزیکە لە تایبەتمەندییەکانی مۆبایلی Mi CC9e. خاوەن ڕوونمایەکی قەبارە 6.08 ئینجە لە جۆری AMOLED و نۆچی دڵۆپەیی لەسەر ڕووی ڕوونماکەی بوونی هەیە و خاوەن هەستەوەری پەنجەمۆری سەر ڕوونمایە. لە پشتەوە خاوەن 3 کامێرایە بە ڕوونییەکانی 48 و 8 و 2 مێگاپێکسڵ و لە پێشەوە خاوەن کامێرایەکە بە ڕوونی 32 مێگاپێکسڵ و لەسەر نۆچە دڵۆپەییەکەی جێگیر کراوە. پڕۆسێسەری Snapdragon 665 ـی لەسەر جێگیرە و خاوەن ڕامێکە بە فراوانی 4 گێگابایت و بیرگەی بژاردەی قەبارە 64 و 128 گێگابایت. خاوەن پاترییەکە بە توانستی 4,030 ملی ئەمپێر و وەشانی Android One ـی لەسەر جێگیرە.

گرنگترین تایبەتمەندییەکانی مۆبایلی Xiaomi Mi A3:

  • ڕوونما: قەبارە: 6.08 ئینج، جۆر: AMOLED، ڕوونی: +HD، وردی نیشاندان: 1080 بە 2280 پێکسڵ. شووشە: Corning Gorilla Glass 5.
  • پڕۆسێسەر: Qualcomm Snapdragon 665.
  • گرافیک: Adreno 610.
  • ڕام: 4 گێگابایت.
  • بیرگە: 64 و 128 گێگابایت.
  • ئەستووری: –
  • کێش: – 
  • پاتری: 4,030 ملی ئەمپێر/کاتژمێر.
  • بارگاویکردنەوە: پشتگیریکردن لە بارگاویکردنەوەی خێرا بە توانای 18 وات.
  • کامێرای پشتەوە: سەرەکی: 48 مێگاپێکسڵ بە تیرەی f/1.78، دووەم: 8 مێگاپێکسڵ لە جۆری wide-angle، سێیەم: 2 مێگاپێکسڵ لە جۆری هەستەوەری قوڵی. توانای تۆمارکردنی ڤیدیۆ: تاوەکو 2160 پێکسڵ لە 30fps و 1080 مێکسڵ لە 120fps.
  • کامێرای پێشەوە(سێڵفی): 32 مێگاپێکسڵ بە تیرەی f/2.0.
  • هەستەوەری ئاسایشی: هەستەوەری پەنجەمۆری سەر ڕوونما.
  • دەرچە: USB-C – microSD.
  • سیمکارت: دووانە سیمکارت.
  • ڕایەڵە: 4G – GSM – Dual VoLTE – Wi-Fi 802.11 – Bluetooth 5.0.
  • ڕەنگ: ڕەش – خۆڵەمێشی – شین.
  • سیستەمی کارپێکەر: Android One.

نرخی مۆبایلەکە 250 یۆرۆ (280 دۆلار) دەبێت بۆ ڕامی 4 گێگابایت و بیرگەی 64 گێگابایت، وە 279 یۆرۆ (313 دۆلار) دەبێت ڕامی 4 گێگابایت و بیرگەی 128 گێگابایت. ڕێکەوتی بەردەستکردنی مۆبایلەکە نەزانراوە، بەڵام لە سەرەتادا لە بازاڕەکانی وڵاتی ئیسپانیا بەردەست دەکرێت.

سەرچاوە :
بۆچونی تۆ