10
هەواڵ 25, ته‌مموز 2019 بۆچوون

لە کۆتایدا، خزمەتگوزاری EA Access بۆ بەکارهێنەرانی PlayStation 4 بەردەستکرا

لە مانگی 5 ـی ئەمساڵدا کۆمپانیای (EA (Electronic Arts ڕایگەیاندبوو کە لە ساتەوەختێکی مانگی 7 ـی ئەمساڵدا خزمەتگوزاری بەژداریکردنی EA Access بۆ بەکارهێنەرانی سەکۆی PlayStation 4 بەردەست دەکات. دواجار، کۆمپانیاکە خزمەتگوزارییەکەی بۆ بەکارهێنەرانی سەکۆی PlayStation 4 ـی بەردەستکرد.

خزمەتگوزاری EA Access بۆ یەکەمجار لە ساڵی 2014 بۆ سەکۆی Xbox One بەردەستکرا و لە پاشان لە ساڵی 2016 بۆ کۆمپیوتەرەکان بەردەستکرا، بەڵام بۆ PlayStation 4 بەردەست نەکرابوو. خزمەتگوزارییەکە ڕێگە بە بەکارهێنەران دەدات ژمارەیەکی زۆر لە یارییەکانی EA ئەنجام بدەن. نرخی خزمەتگوزارییەکە 4.99$ ـە بۆ مانگێک و 29.99$ ـە بۆ ساڵێک، هەروەها کۆمپانیاکە بڕی 10% داشکاندن دەدات بەو کەسانە لە کڕینە دیجیتاڵییەکانی EA کە پێش بەردەستکردنی خزمەتگوزارییەکە بۆ سەکۆی PlayStation 4 کڕینیان بۆ ئەنجام دابوو.

گرنگترین ئەو یارییانەی لە خزمەتگوزارییەکەدا بەردەست دەبن بریتین لە: FIFA 19 و Battlefield V و A Way Out و Titanfall 2 و Mirror’s Edge Catalyst و The Sims 4.

سەرچاوە :
بۆچونی تۆ