ئەپ و نەرمەکاڵا

کۆمپانیای The Walt Disney خزمەتگوزاری پەخشکەری +Disney ـی ڕاگەیاند

لە میانەی بەڕێوەچوونی کۆنگرەی D23 Expo لە دوێنێدا، کۆمپانیای The Walt Disney خزمەتگوزاری پەخشکەری +Disney ـی ڕاگەیاند. ئەمەش لە دوای درێژەکێشانی زنجیرەیەک پڕوپاگەندەکە لەسەر خزمەتگوزارییە نوێیەکەی کۆمپانیاکە.

خزمەتگوزاری +Disney خزمەتگوزارییەکەی پەخشکەرە و تایبەتە بە سەیرکردنی فیلم و زنجیرە نوێیە جیهانییەکان، لە نێو خزمەتگوزارییەکەدا زیاتر لە 500 فیلمی جۆراوجۆر و زیاتر لە 7,500 زنجیرەی جۆراوجۆر بوونیان هەن. وە لە داهاتوودا ژمارەی فیلم و زنجیرەکانی نێوی ڕوو لە زیادبوون دەکەن. گرنگترین زنجیرەکانی نێو خزمەتگوزارییەکە کە لە سەرەتادا بوونیان دەبێت بریتین لە The Mandalorian و The Simpsons ـن و گرنگترین فیلمەکانیش Captain Marvel و Star Wars ـن. خزمەتگوزارییەکە پشتگیری لە ڕوونی 4K و HDR و دەنگی Dolby Atmos دەکات.

ئەوەی جێگەی ئاماژەپێکردنە، خزمەتگوزارییەکە بە پارەیە و بە خۆڕایی نییە. نرخی بەژداریکردن بڕی 6.99$ دەبێت بۆ هەر مانگێک. کە لە ڕێگەیەوە دەتوانیت سوودمەند بیت لە سەرجەم فیلم و زنجیرەکانی نێو خزمەتگوزارییەکە.

کۆمپانیای The Walt Disney دەڵێت ئەپی خزمەتگوزارییەکە بۆ هەر یەکە لە سیستەمەکانی iOS و Android و ئامێرەکانی Apple TV و Xbox One بەردەست دەکرێت. ئەوەی جێگەی ئاماژەپێکردنە، بەکارهێنانی ئەپەکە ئاسانە و خاوەن ڕووکارێکی سادەیە، هەروەها توانای داگرتنی فیلم و زنجیرەکانی هەیە تاوەکو لە کاتی دەرهێڵ بووندا سەیریان بکرێن.

وا بڕیارە لە ڕێکەوتی 12 ـی مانگی 11 ـی ئەمساڵدا کۆمپانیای The Walt Disney خزمەتگوزارییەکە بۆ سەرجەم بەکارهێنەران بەردەست بکات.

سەرچاوە :
24 ئاب، 2019
ئاڤاتار
بەڕێوەبەری نووسین و نووسەرم لە کەی ئای تی ئێن. خوێندکاری پەیمانگەی کۆمپیوتەرم، گەشەپێدەرم و شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
943