10
ئەپڵ 6, ئه‌یلول 2019 بۆچوون

ئەپڵ خزمەتگوزاری Apple Music ـی لە وێب بەردەستکرد

لەم ماوەیەدا ئەپڵ بە شێوەیەکی چڕ سەرقاڵی کارکردن بوو لەسەر خزمەتگوزاری Apple Music ـی تایبەت بە گوێگرتن لە میوزیک و گۆرانییەکان. بە شێوەیەکی چاوەڕوان نەکراو، ئەمڕۆ کۆمپانیای ئەپڵ خزمەتگوزارییەکەی لە وێبدا بەردەستکرد.

لەگەڵ خزمەتگوزاری Apple Music لە وێبدا، دەتوانیت سوودمەند ببیت لە گوێگرتن لە میوزیک و گۆرانییەکانی نێو خزمەتگوزارییەکە بێ ئەوەی ئەپی تایبەت بە خزمەتگوزارییەکە بەکاربهێنیت و تەنها لە ڕێگەی داخڵکردنی هەژماری تایبەت بە خزمەتگوزارییەکە. لە ئێستادا ئەپەکە لە حاڵەتی تاقیکاریدا، بەو مانایەی کە بەمنزیکانە نوێکاری زیاتری تێدا ئەنجام دەدرێت.

سەبارەت بە دیزاین، دیزاینی خزمەتگوزارییەکە لە وێب هاوشێوەی هەمان دیزاینی ئەپی تایبەت بە خزمەتگوزارییەکەیە کە لە وەشانی macOS 10.15 ـەدا نوێکرابووەوە.

ئەپڵ دەڵێت پەڕەی تایبەت بە خزمەتگوزارییەکە لە وێبدا لەسەر سەرجەم وێبگەڕەکانی وەکو Google Chrome و Firefox و سەکۆیەکانی ChromeOS و Windows و ئەوانی دیکەدا کار دەکات، تەنانەت لەگەڵ Android ـیشدا.

ئەپڵ ژمارەیەک تایبەتمەندی لە پەڕەی وێبی خزمەتگوزارییەدا لە بیرچووە، وەکو تایبەتمەندییەکانی “Beats 1 live broadcast” و “Smart playlists”. ئەمەش ئاساییە، چونکە لە ئێستادا خزمەتگوزارییەکە لە وێب لە دۆخی تاقیکاریدایە.

کرتە بکە بۆ کردنەوەی خزمەتگوزاری Apple Music لە وێب

سەرچاوە :
بۆچونی تۆ