ئەپڵ وەشانەکانی iOS 13.1.2 و iPadOS 13.1.2 ـی بە چارەسەرکردنی چەند کێشەیەکەوە بۆ سەرجەم بەکارهێنەران بەردەستکرد

چەند خولەکێک لەمەوبەر، ئەپڵ وەشانەکانی iOS 13.1.2 و iPadOS 13.1.2 ـی بە چارەسەرکردنی چەند کێشەیەکەوە بۆ سەرجەم بەکارهێنەران بەردەستکرد.

وەشانی نوێی iOS 13.1.2 قەبارەی 76 مێگابایتە بۆ iPhone XS Max و بۆ ئایفۆنە کۆنەکانی دیکە قەبارەی کەمترە، قەبارەی iPadOS 13.1.2 نەزاندراوە. لە وەشانە نوێیەکاندا، ئەپڵ تیشکی خستۆتە سەر چارەسەرکردنی چەند کێشەیەک کە لە وەشانی پێشووتردا بوونیان هەبوون.

سەرجەم گۆڕانکاری و چارەسەرکراوەکان لە وەشانەکانی iOS 13.1.2 و iPadOS 13.1.2:

• چارەسەرکردنی نیشاندانی شریتی حاڵەت لە بەشی iCloud Backup کاتێک کە پڕۆسەکە تەواو دەبوو بەڵام هەر دەستی بە دەرکەوتن دەکرد.
• چارەسەرکردنی کامێرا کە لە لای هەندێک کەس کاری نەدەکرد.
• چارەسەرکردنی گڵۆپی فلاش (Flashlight) کە لە لای هەندێک کەس کاری نەدەکرد.
• چارەسەرکردنی کێشەیەک کە دەبووە هۆی لەدەستدانی پێوانەکردنی زانیارییەکانی ڕوونما.
• چارەسەرکردنی کێشەیەک کە دەبووە هۆی لەکارخستنی Shortcuts لە بڵندگۆی HomePod ـدا.
• چارەسەرکردنی Bluetooth کە خودکارانە لە هەندێک ئۆتۆمبێلدا ناکارا دەبوو.

چۆنیەتی نوێکردنەوەی وەشان لە iOS:

• کردنەوەی ئەپی Settings
• کردنەوەی بەشی General
• کردنەوەی بەشی Software Update
• کرتە کردن لە Download and install

تێبینی بۆ نوێکردنەوەی وەشان:

• پێویستە وزەی پاتری ئامێرەکەت لە 50% زیاتر بێت.
• پێویستت بە ئینتەرنێتی وایفای هەیە بۆ نوێکردنەوەی وەشان.

ماکوان بەرزان

خوێندکاری پەیمانگەی کۆمپیوتەرم، لە پاڵ ئەوەشدا پڕۆگرامەرم و لێرەش بەڕێوەبەری نووسین و نووسەرم تاوەکو دواین هەواڵ و زانیاری و وردەکارییەکانی پەیوەندیدار بە تەکنەلۆژیا بخەمە بەردەستی خوێنەر.