10
بابەتی گرینگ 26, تشرینی دووه‌م 2015 بۆچوون

كۆمپانیای هواوی به‌ فه‌رمی مۆبایلی M8ـی ڕاگه‌یاند

12278667_10153240456908779_277077609508888844_n copy

كۆمپانیای هواوی چینی له‌ پایته‌ختی وڵاته‌كه‌ی له‌ شاری په‌كین په‌رده‌ی له‌سه‌ر نوێترین به‌رهه‌می خۆی لادا كه‌ ئه‌ویش مۆبایلی هۆشمه‌ندی ” Mate 8 ”ـه‌، ئه‌مه‌ش دوای ئه‌وه‌ دێت كه‌ ماوه‌یه‌كی زۆر تێپه‌ڕیوه‌ به‌سه‌ر ڕاگه‌یاندنی مۆبایلی Mate 7.

Huawei-Mate-8_41

له‌ ڕاستیدا ئه‌م مۆبایله‌ هیچ جیاوازیه‌كی نیه‌ له‌ چاو ئه‌و پێشبینیانه‌ هه‌فته‌ی پێشووتر له‌ ماڵپه‌ڕه‌ ته‌كنه‌لۆژیه‌كان بڵاو كرابوویه‌وه‌، وه‌ ئه‌مانه‌ی خواره‌وه‌ش تایبه‌تمه‌ندییه‌كانیه‌تی:

  • ڕوونماكه‌ی له‌ جۆری IPS LCDـیه‌ به‌ قه‌باره‌ی ٦ ئینج، به‌ ڕوونی 1080 × 1920 پیكسڵ.
  • پڕۆسیسه‌ره‌كه‌ی له‌ جۆری octa-core 2.3GHz Kirin 950ـه‌ له‌ درووست كراوی كۆمپانیاكه‌ خۆیه‌تی.
  • رامی ٣ گێگابایت بۆ قه‌باره‌ی ٣٢ گێگابایت، و ڕامی ٤ گێگابایت بۆ قه‌باره‌ی ٦٤ گێگابایت.
  • قه‌باره‌ی یاده‌وه‌ری ناوه‌كی ٣٢ گێگابایت و ٦٤ گێگابایتی هه‌یه‌ له‌گه‌ڵ بوونی یاده‌وه‌ری ده‌ره‌كی microSD.
  • كامێرای پشته‌وه‌ی ١٦ مێگاپیكسڵه‌، له‌گه‌ڵ بوونی ده‌رچه‌ی هاوێنه‌ی f/2.0 درووستكراوی كۆمپانیای سۆنی ژاپۆنیه‌ له‌ جۆری IMX298، له‌گه‌ڵ بوونی ڕوونككه‌ره‌وه‌ی جۆری LED.
  •  كامێرای پێشه‌وه‌ی ٨ مێگاپیسكڵه‌ له‌گه‌ڵ بوونی ده‌رچه‌ی هاوێنه‌ی f/2.4 درووستكراوی كۆمپانیای سۆنی ژاپۆنی له‌ جۆری IMX179.
  • باتری ئه‌م مۆبایله‌ ٤٠٠٠ ملی ئه‌مپێره‌.
  • سیسته‌می كارپێكردنی ئه‌ندرۆیدی ماڕشمالۆی ٦.٠ـه‌ له‌گه‌ڵ بوونی ڕووكاری EMUI 4.0.
  • وه‌ نرخه‌كانیشی له‌ ٤٧٠$ـی ئه‌مریكی ده‌ست پێده‌كات به‌ گوێره‌ی تایبه‌تمه‌ندی و له‌ چاره‌گی یه‌كه‌می ساڵی ٢٠١٦ له‌ وڵاتی چین به‌ فه‌رمی ده‌خرێته‌ بازاره‌كانه‌وه‌، ئه‌مه‌ی لای خواره‌وه‌ش نرخه‌كانیه‌تی به‌ پێی تایبه‌تمه‌ندی:

Huawei-Mate-8-pricing-China_1

بۆچونی تۆ