ئێستا دەتوانیت سکایپ بەکاربهێنیت بێ درووستکردنی هەژمار و داگرتنی نەرمەواڵاکە

وەک دەزانین چەندین ساڵە ڤیدیۆ چاتی سکایپی کۆمپانیای مایکۆسۆفت بەردەستە لە سەرانسەری جیهاندا یەکێکە لە بەربڵاوترین نەرمەواڵاکان، هەروەها هەموو کۆمپانیاکان هەوڵی دابین کردنی باشترین خزمەتگوزاری و ڕاکێشانی زۆرترین بەکارهێنەرە بۆلای خۆیان و ئامانجیان باشتر خزمەتکردنی بەکارهێنەرانیانە.

لە نوێترین نوێکاریدا سکایپ ڕێگە بە بەکارهێنەرانی دەدات تا بتوانن پەیوەندی بکەن بە هاوڕێیانیان بەبێ درووستکردنی هەژمار و تەنها لەڕێی وێبگەڕەکانیانەوە بەبێ ئەوەی پێویستیش بکات نەرمەواڵاکە دابگرن

تەنها پێویستە ئەم لینکە بکەیتەوە و کرتە بکەیت لەسەر Start a Conversation ناوێک بنوسیت و ئەو لینکەی کە بۆت دادەنێت لەبەری بگرەوە (کۆپی بکە ) بۆ کەسی بەرامبەری بنێرە دوای ئەوەی لینکەکەی کردەوە ناوی خۆی دەنوسێت و بەو شێوەیە بۆ هەرکەسێکی تریش بتەوێت بێتە ناو گفتووگۆکە ئەم گفتووگۆیەی درووستی دەکەیت دەتوانێت 300 کەس لە خۆ بگرێت و تەنها 25  کەسیان دەتوانن پەیوەندی ڤیدیۆیی یان دەنگی ئەنجام بدەن لە یەک کاتدا هۆکاری ئەمەش بۆ دروستنەبوونی شپرزەییە لە پەیوەندیەکەدا و خاونەبوونەوەی خێرای هێڵی بەشداربووانی ئەو گفتووگۆیە

گفتوگۆکە بۆماوەی 24 کاتژمێر دەمێنێتەوە لەساتی درووستکردنی هەژمارەکەوە دواتر دەسڕێتەوە

ڤیدیۆی چۆنیەتی بەکارهێنان و باسکردنی ئەم نوێکارییە

https://www.youtube.com/watch?v=j7SxypblIlw

سەلمان خالید

نوسەر و بەڕێوەبەری تۆڕەکۆمەڵایەتییەکانم لە کەی ئای تی ئێن، لە بواری تەکنیکی پێگەکان و بەڕێوەبردنی پەیج و هەژمارەکانی دیکەدا کاردەکەم، خوێندكاری قۆناغی چوارەمی زانستی كۆمپیوتەرم. پەیداکردنی ئەزموونی زیاتر لە بواری سۆشیاڵ میدیادا خولیای منە و لەم پێگەیەوە دەمانەوێت ئێوە ئاشنا بکەین بە جیهانە جوانەکەی تەکنەلۆژیا. کرتە لە ناونیشانی تۆڕەکۆمەڵایەتییەکانم بکەن لە وێنۆچکەکانی دەستە چەپدا.