فەیسبووک

لەمەودوا ئینستەگرام و مێسنجەر و فەیسبووک لە یەک شوێن کۆدەکرێنەوە

fb-11

فەیسبووک لەهەنگاوێکی تازەیدا تایبەتمەندییەکی نوێی ڕاگەیاند ئەویش گوزارشتە لە کۆکردنەوەی فەیسبووک و ئینستەگرام و مێسنجەر لە یەک شوێندا. ئەمەش هەموو لە پێناو هاوکاری کۆمپانیاکانە بۆ ئەوەی بتوانن گشت هەژمارەکانیان لە یەک شوێن کۆبکەنەوە و بەیەکەوە لە یەک شوێندا ئاگاداری هەر سێ هەژمارەکانیان بن لەم تۆڕانەدا. بەکورتی ئەم تایبەتمەندییە بۆ ئاسانکردنی ئاڵوگۆرە لەنێوان ئەم سێ خزمەتگوزارییە و بینینی تەواوی پەیامەکانیانە لە یەک شوێندا.

15065517_1719623181692245_7802379877885149184_n

بەگوێرەی دوایین ڕاپۆرتی فەیسبووک، پەڕەکانی ئەم تۆڕە مانگانە پێشوازی زیاتر لە ٥ ملیار سەرەنج واتە کۆمێنت و پەیام و بڵاوکراوە لە لایەن بەکارهێنەرانەرانییانەوە دەکەن. هەر لەم سۆنگەیەوە زیاتر لە ٤ ملیۆن پەڕە لە فەیسبووک کار لەسەر سەکۆی فەیسبووک دەکەن بۆ کەمکردنەوەی بەفیرۆدانی کات لەکاتی مامەڵەکردن لەگەڵ کڕیار و فەرمانبەرانیان. وا لە ئێستاداشدا ئەوە بەردەستکراوە کە لەیەک شوێن و لە ڕێگەی ئەپێ Pages Manager کە ئەپی بەڕێوەبەری پەڕەکانە بتوانن پەیامی ئینستەگرام و فەیسبووک و مێسنجەر لەیەک شوێن کۆبکەنەوە و کاتی زیاتر فەراهەم بکەن.

شایەنی باسە ئەم تایبەمەندییە لە چەند هەفتەی داهاتوو بۆ تەواوی بەکارهێنەران لەسەر ئەپی Pages Manager بۆ مۆبایلە هۆشمەندەکان بەردەست دەبێت.

16 تشرینی دووه‌م، 2016
ئاڤاتار
تەکنەلۆژیا بەشێکە لە ژیانم و ساڵانێکە هەواڵ و زانیاری بە زمانی کوردی دەنوسم و لە چەندین ماڵپەڕ و گۆڤار بڵاوم کردوونەتەوە و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ٦ ساڵە. ئیتر گرافیک دیزاینەریشم لە ئاستێکی باشدا و لە پای ئەم ئیشانەشدا مامۆستای زانکۆم! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!
1170