10
ئەپ و نەرمەکاڵا 1, ئایار 2017

ئەپی Whatsapp پڕداگیراوترین ئەپە بۆ چارەکی یەکەمی ٢٠١٧

ئاژانسی SensorTower کە ئاژانسێکە بۆ لێکۆڵینەوە، ڕاپۆرتێکی نوێی بڵاوکردەوەتەوە بۆ چارەکی یەکەمی ئەمساڵی ٢٠١٧ دەربارەی پڕداگیراوترین ئەپەکان لەسەر ئاستی ئەپستۆر و گووگڵ پلەی. شایەنی باسە لە ڕاپۆرتەکە دەردەکەوێت کە بۆ یەکەمجار ئەپی بەناوبانگی گفتوگۆ و چاتکران ناسراو بە Whatsapp پلەی یەکەمی پڕداگیراوترین ئەپەکانی گرتووە و پێشی ئەپی فەیسبووکی داوەتەوە کە پلەی دووەمی گرتووە. بەم شێوەیە ٥ یەکەمی ریزبەندییەکە وەکو خۆی ماونەتەوە جگە لەوەی کە واتسئەپ جێگەی فەیسبووکی گرتووە.

وە هەروەها ئەپی ئیسنتەگرام پێشی سناپ چاتی داوەتەوە بە داگیرکردنی پلەی سێیەم لە ڕیزبەندییەکە و سناپ چاتیش پلەی چوارەم. هەروەکو دیاریشە ئەپی تویتەریش پێشکەوتنێکی بەخۆیەوە بینیوە و کەمێک هەڵکشاوە بە داگیرکردنی پلەی نۆزدەیەم. هەروەکو جێگەی تێبینیشە کە یارییەکانی وەکو سوپەر ماریۆیی کۆمپانیای نینتیندۆ و پۆکێمۆن گۆویی کۆمپانیای نیانتیک لە ڕیزبەندییەکە نەماون و چوونەتە دواوە.

سەرچاوە :
بۆچونی تۆ