ساڵی پار نۆکیا بە شێوازێکی نوێ گەڕایەوە، زنجیرەی لومیا کە بە سیستەمی ویندۆز کاری دەکرد ڕاوەستا لە نوێبوونەوە و نۆکیا هاتە مەیدانی کۆمپانیا دروستکەرەکانی ئەندرۆید و بە پێی ژمارە نوێیەکانبێت تا ڕاددەیەکی باش سەرکەوتوو بووە.
لە ساڵی ٢٠١٧دا ٨.٤٥ ملیۆن مۆبایلی زیرەکی نۆکیا فرۆشراوە، لە چارەکی یەکەم تەنها نۆکیا ٦ هەبوو و تەنها لە چین بەردەستبوو، بۆیە لەو چارەکە تەنها ١٠٠ هەزار مۆبایلی زیرەکی نۆکیا فرۆشراوە، لە چارەکی دووەمدا نۆکیا ٣ و ٥ ڕاگەیەندران و نۆکیا ٦یش شان بە شانیان لە زۆرێک لە وڵاتان بەردەستبوو، لەم چارەکەدا ١.٤ ملیۆن مۆبایلی زیرەکی نۆکیا فرۆشراوە، دواتریش نۆکیا هەستا بە ڕاگەیاندنی مۆبایلەکانی نۆکیا ٢ و ٧ و ٨ و فرۆشی مۆبایلەکانی بەردەوامبووە لە بەرزبوونەوە تاوەکوو لە چارەکی چوارەم بە تەنها گەیشتووەتە ٤.١٥ ملیۆن و بەمەش ١٪ی بازاڕی مۆبایلە زیرەکەکانی بۆخۆی داگیرکردووە لەو چارەکەدا.
پێتان وایە نۆکیا وەک پێشتر بەهێز و پڕفرۆش ببێتەوە؟ بۆچوونتان چییە لەسەر مۆبایلە نوێیەکانیان؟
