ئه‌گه‌ر یه‌كێك به ئێوه بڵێت ده‌توانیت كاڵایه‌ك بكڕیت كه شێوه‌ی له هێلكه‌یه‌ك ده‌چێت و له دار دروست كراوه و نرخی ته‌نها ١٣ دۆلاره ئه‌وا له‌وانه‌یه تۆ ئه‌و كه‌سه به شێت یان بێمێشك دابنێیت چونكه ئه‌وه شتێكی ته‌واو بێسووده و بۆ هیچ به‌كارناهێندرێت. له‌وانه‌یه تۆ ئه‌م بڕه پاره‌یه به‌كاربهێنیت له كڕینی خواردنێك و میوه‌یه‌ك كه سوودی هه‌یه بۆ ته‌ندروستیت به‌ڵام هه‌ندێك كه‌س ئه‌م هێلكه بێسووده ده‌كڕن كه دروستكراوه له دار یان مس یان به‌رد.
ئه‌م كاڵایه پێی ده‌وترێت هێلكه‌ی بیركردنه‌وه كه ناونراوه له لایه‌ن داهێنه‌رانییه‌وه، دروستكراوی كۆمپانیای ئۆریجینه كه بنكه‌كه‌ی له ڤانكۆڤه‌ره. دروستكه‌رانی ئه‌م به‌رهه‌مه ئاماژه به‌وه ده‌ده‌ن كه كاڵاكه‌یان نیشانه‌یه بۆ ژیان و سه‌روه‌ت و سامان چونكه وات لێده‌كات له ده‌نگ و ژاوه ژاوی ژیان ده‌ربچیت و بیرت ده‌خاته‌وه هه‌ناسه‌یه‌كی قووڵ هه‌ڵبكێشیت. ئۆسكار بۆنێلا دامه‌زرێنه‌ری كۆمپانیای ئۆریجین ده‌ڵێت: “له دوای به ئه‌نجام گه‌یاندنم بۆ هه‌موو كاره‌كانم له نێوانیاندا نامه‌كان و په‌یوه‌ندییه ته‌له‌فۆنیه‌كان و نامه ئه‌لیكترۆنییه‌كان ئه‌م كاڵایه وام لێ ده‌كات كه هه‌ندێك هێواش ببمه‌وه و بیربكه‌مه‌وه له‌وه‌ی كه ده‌مه‌وێت ئه‌نجامی بده‌م.”
تۆش له‌وانه‌یه ئه‌م به‌رهه‌مه به بێ سوود ناو ببه‌یت به‌ڵام ئه‌وه‌تا زیاتر له ٣٢ هه‌زار كه‌س هه‌ستاون به هاوكاری كردن له هه‌ڵمه‌تی پاره‌دان له ڕێگه‌ی ماڵپه‌ڕی كیك ستارته‌ر بۆ ته‌واو كردنی ئه‌م به‌رهه‌مه ئه‌وه‌شی جێگای سه‌رنجه له‌و هه‌ڵمه‌ته‌دا تا ئێستا تواندراوه بڕی ١٠٠ هه‌زار دۆلار كۆبكرته‌وه.
