تۆڕە کۆمەڵایەتییەکان

Tumblr گەڕاوەتەوە کۆگای ئەپ ستۆر؛ بەڵام بە بلۆککردنی ناوەڕۆکە سێکسییەکان

تۆڕی کۆمەڵایەتی تەمبلر لەو شوێنانەیە کە ناوەڕۆکی پۆڕنی زۆری تێدایە، لە ئێستا و لە ڕابردووش، کە هەر بەهۆی ئەم هۆکارەش لە ماوەی ڕابردوودا لە کۆگای ئەپ ستۆری ئەپڵ سڕایەوە. بووە جێی نیگەرانی کۆمپانیای تەمبلر چونکە هۆکاری سڕینەوەی ئەپەکەیان لە کۆگاکەدا ڕوون نەبوو، هەرچەندە هەمووان بۆ ناوەڕۆکە سێکسییەکانی تۆڕەکە دەچوون. بەڵام دوای مانگێک ئێستا تەمبلر گەڕاوەتەوە کۆگای ئەپ ستۆر و بەردەستە. ئەمەش بە مەرجی بلۆککردنی هەموو ناوەڕۆکە پۆڕنەکانی تۆڕەکە.

بیانووی تەمبلر بۆ ئەم ناوەڕۆکانە ئەوەیە کە ئەو وێنە و ڤیدیۆیانەی لە تۆڕەکەدا بڵاو دەکرێنەوە، ئەوا هێشتا لە بنکەی زانیاری (داتابەیس) تۆمار نەکراون بۆیە نەسڕاونەتەوە، ئەگەر نا تەمبلر خاوەن فلتەری خۆیەتی بۆ ئەو ناوەڕۆکانەی کە بڵاو دەکرێنەوە.

هێشتا لە ئەپ ستۆردا ئەپەکە بۆ کەسانی تەمەن +١٧ دیاریکراوە، کە ئەمەش دەگەڕێنێتەوە بۆ ناوەڕۆکی نەگونجاو. کە ئەمەش کەمێک ناڕوونە بەوەی دیار نییە ئەم ناوەڕۆکە نەگونجاوانە ماون یان نا.

17 كانونی یه‌كه‌م، 2018
ئاڤاتار
گرنگی بە نوسینەکانی کەی ئای تی ئێن دەدەم. نوسەرانی ئەم تۆڕە دەیانەوێت کوردستانیش بێبەش نەبێت لە تام و چێژی خوێندنەوە بەڵکو کەی ئای تی ئێن ماڵپەڕێکی فێرکار بێت لە ڕووی نوسین و پەرەپێدانی توانای ڕۆژنامەوانی، بۆ کەسان و پێگەی تر.
498