هەواڵ

ویکیپیدیا وەرگێڕی گووگڵ بەکاردەهێنێت بۆ وەرگێڕانی بابەتەکان

ئامانجی سەرەکی پێگەی ویکیپیدیا تێگەیاندنی گشت بەکارهێنەرانە زمان و نەتەوە جیاوازەکانیەتی لە بابەتەکانی، بەڵام ڕەنگە زۆربەی کات ئامانجەکەی نەپێکێت بەهۆی هەڵەی وەرگێڕەکانی لە کاتی وەرگێڕانی بابەتەکان بۆ سەر زمانە جیاوازەکان لە ئینگلیزییەوە، هەر بۆ ئەم مەبەستە ئەمڕۆ دامەزراوەی ویکیمیدیا کارێکی هاوبەشی لەگەڵ گووگڵدا ڕاگەیاند بۆ بەکارهێنانی ژیری دەستکردی وەرگێڕانی گووگڵ لە نێو پێگەکەیدا.

وەرگێڕی گووگڵ لە نێو پێگەی ویکیپیدیادا یەکدەخرێت بۆ وەرگێڕانی بابەتەکان بە خۆڕایی، ئەمەش وا دەکات بابەتەکان بە باشترین شێوە وەربگێڕدرێن و خوێنەران لێیان تێ بگەن. بەمەش هەردوو وەرگێڕی گووگڵ و وەرگێڕی سەرچاوە کراوەی Apertium دەتوانن زیاتر لە ٤٠٠.٠٠٠ بابەت لە ویکیپیدیادا وەربگێڕن.

بە زیاد کردنی وەرگێڕی گووگڵ بۆ ویکیپیدیا، پێگەکە پشتگیری ئامرازی وەرگێڕانی بۆ ١٥ زمانی دیکە زیاد کرد لەوانە؛ (کوردی-کرمانجی، هاوسا، یۆروبا، زۆلۆ) و ژمارەی ئامرازەکانی وەرگێڕانی پێگەکە بووە ١٢١ زمان.

لەمەودا نووسەران و دەستکاریکەرانی بابەتەکانی ویکیپیدیا دەتوانن وەرگێڕان بۆ بابەتەکانی پێگەکە بکەن لە زمانی ئینگلیزییەوە بۆ ئەو زمانەی کە مەبەستیانە.

سەرچاوە:
11 كانونی دووه‌م، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. لەگەڵ جیهانی تەکنەلۆژیادا تێکەڵم و ئاگاداری دواین هەواڵەکانی تەکنەلۆژیام بە گشتی. خولیام بۆ ته‌كنه‌لۆژیا وای كرد كه‌ له‌ كه‌ی ئای تی ئێن درێژە بە خزمەتەکانم بدەم و بەردەوامبم لە گەیاندنی هەواڵە گرنگ و نوێیەکانی تەکنەلۆژیا بە شێوەیەکی درووست بە خوێنەرانی کورد.
169