ئامرازی جەیڵبرەیکی Electra نوێکرایەوە و ئێستا جەیڵبرەیکی وەشانەکانی iOS 11.4 و 11.4.1 ـش دەکات

ئەمڕۆ گەشەپێدەرە بە تواناکەی ئامرازی Electra بە ناوی Cool Star، توانی بە سەرکەوتووی جەیڵبرەیکی وەشانەکانی iOS 11.4 و iOS 11.4.1 بکات، هاوکات ئامرازی Electra ـی نوێ کردەوە و لەمەودوا ئامرازەکە دەتوانێت جەیڵبرەیکی وەشانەکانی iOS 11.0 تاوەکو iOS 11.4.1 بکات.

وەشانە نوێیەکەی ئامرازەکە وەشانی ژمارە 1.2.1 ـە، لە وەشانە نوێیەکەی ئامرازەکەدا ئێکسپڵۆیتی voucher_swap بەکار هاتووە لەگەڵ ئێکسپڵۆیتی جۆری دیکە بۆ وەشانەکانی دیکە. گشت گۆڕانکارییەکانی وەشانە نوێیەکەی ئامرازەکە بریتین لە:

• زیادکردنی پشتگیری جەیڵبرەیک کردنی وەشانەکانی iOS 11.4 و iOS 11.4.1.
• زیادکردنی ئێکسپڵۆیتی async_wake بۆ وەشانەکانی iOS 11.0 تاوەکو 11.1.2.
• بەکارهێنانی ئێکسپڵۆیتی voucher_swap لە empty_list ـدا بۆ وەشانەکانی iOS 11.2 تاوەکو 11.4.1.
• جارەسەرکردنی ڕێستارت بوونی لە ناکاو لە دوای جەیڵبرەیک.

بۆ جەیڵبرەیک کردنی ئامێرەکەت بە وەشانە نوێیەکەی ئامرازەکە، کرتە بکە بۆ دابەزاندن و چۆنیەتی دامەزراندنی.

ماکوان بەرزان

نووسەری پێشکەوتوو لە Kitn لە ٢٠١٨ ـەوە. ئەندازیاری iOS لە Gateway. خوێندکاری ئەندازیاریی ئایتی لە زانکۆی پۆلیتەکنیکی سلێمانی.