سامسۆنگ 27, شوبات 2019

سامسۆنگ مۆبایلی گالەکسی M30 ـی بە 3 کامێرا و ڕوونمای Super AMOLED ـەوە ڕاگەیاند

لە دوای ئەوەی لە ماوەی ڕابردوودا سامسۆنگ بە فەرمی هەردوو مۆبایلی گالەکسی M10 و M20 ـی ڕاگەیاند، کۆمپانیاکە بە نەوەیەکی نوێ درێژەی بە زنجیرەی M دا و مۆبایلی گالەکسی M30 ـی ڕاگەیاند.

مۆبایلە نوێیەکەی زنجیرەی M خاوەن ڕوونمایەکە بە قەبارەی 6.38 ئینج لە جۆری Super AMOLED Infinity-U و نۆچی دڵۆپەیی لەسەر ڕووی ڕوونماکەیدا بوونی هەیە. لە پشتەوە خاوەن 3 دانە کامێرایە لەگەڵ کامێرایەک لە پێشەوە. پڕۆسێسەری Exynos 7904 ـی لەسەر جێگیرە و خاوەن بژاردەی ڕامی 4 و 6 گێگابایتە، لەگەڵ پاترییەکی فراوان بە توانستی 5.000 ملی ئەمپێر/کاتژمێر. لە پشتیشەوە هەستەوەری پەنجەمۆری لەسەر جێگیر کراوە. Samsung Galaxy M30 گرنگترین تایبەتمەندییەکانی مۆبایلی گالەکسی M30:

ڕوونما: قەبارە 6.38 ئینج لە جۆری Super AMOLED Infinity-U بە ڕوونی +Full HD و بە وردی نیشاندانی 2340 بە 1080 پێکسڵ.
پڕۆسێسەر: Exynos 7904.
گرافیک: Mali-G71 MP2.
ڕام: 4 و 6 گێگابایت.
بیرگە: 64 و 128 گێگابایت (زیادکردن لە ڕێگای microSD تاوەکو 512 گێگابایت).
ئەستووری: 8.4 ملیمەتر.
کێش: 175 گرام.
پاتری: 5.000 ملی ئەمپێر/کاتژمێر.
بارگاویکردنەوە: پشتگیری کردن لە بارگاویکردنەوەی خێرا بە هێزی 15 وات.
کامێرای پشتەوە: یەکەم: 13 مێگاپێکسڵ بە تیرەی f/1.9. دووەم: 5 مێگاپێکسڵ لە جۆری ultra-wide angle بە تیرەی f/2.2. سێیەم: 5 مێگاپێکسڵ لە جۆری depth sensor بە تیرەی f/2.2.
کامێرای پێشەوە(سێڵفی): 16 مێگاپێکسڵ بە تیرەی f/2.0.
هەستەوەری ئاسایشی: پەنجەمۆر ، ناسێنەرەوەی دەموچاو.
دەرچە: USB-C ، بیستۆک.
ڕایەڵە: Wi-Fi 802.11b/g/n ، Bluetooth 5.0.
ڕەنگ: ڕەشی تێکەڵاو ، شینی تیکەڵاو.
سیستەمی کارپێکەر: Android 8.1 Oreo (ڕەوانەکردنی Android 9 Pie لە داهاتوودا).

گالەکسییە نوێیەکە نرخی 210$ دەبێت بۆ بژاردەی ڕامی 4 گێگابایت و بیرگەی 64 گێگابایت، هەروەها نرخی 250$ دەبێت بۆ بژاردەی ڕامی 6 گێگابایت و بیرگەی 128 گێگابایت. وا بڕیارە لە کاتژمێر 12 ـی نیوەڕۆی 7 ـی مانگی داهاتوودا لە بازاڕەکانی وڵاتی هیندستان بەردەست بکرێت. هیچ زانیارییەکمان لەبەر دەستدا نییە تاوەکو ئەم ساتە سەبارەت بە بەردەستکردنی مۆبایلەکە لە بازاڕی وڵاتانی دیکەدا.

سەرچاوە :