ئەندرۆید

نێتفلێکس پشتگیری کارپێکردنی ڤیدیۆی HDR10 ـی بۆ گالەکسییە S10 نوێیەکان زیاد کرد

تەنانەت هێشتا مۆبایلەکانی گالەکسی S10 و +S10 و S10E و S10 5G بە شێوەیەکی فەرمی بەردەست نەکراون بۆ فرۆشتن. بەڵام پێگەی نێتفلێکس تایبەت بە پەخشکردنی فیلم و زنجیرە جیهانییەکان پشتگیری کارپێکردنی ڤیدیۆ HDR10 ـەکانی بۆ گالەکسییە S10 نوێیەکان زیادکرد.

گالەکسییە S10 نوێیەکان یەکەمین مۆبایلن کە ڕوونماکانیان لە جۆری Dynamic OLED ـە و پشتگیری لە کارپێکردنی ڤیدیۆی +HDR10 دەکەن. بە شێوەیەک کە ڕوونمای گالەکسییە نوێیەکان دەتوانن ڕووناکییەکەیان بە شێوەیەکی بێ کەم و کورتی ڕێک بخەن.

هاوکات پێگەکە پشتگیری کارپێکردنی ڤیدیۆی HD ـی بۆ مۆبایلەکانی گالەکسی M10 و M20 و M30 و گشت ئەو مۆبایلانەی دیکە زیادکرد کە بە پڕۆسێسەری سناپدراگۆن کواڵکۆم 675 و 710 و 855 کار دەکەن.

بۆ کارپێکردنی ڤیدیۆکانی نێتفلێکس لە گالەکسی S10 ـەدا بە شێوەی HDR10، پێویستە دواین وەشانی ئەپەکەت داگرتبێت.

داگرتن/نوێکردنەوەی ئەپی نێتفلێکس بۆ ئەندرۆید

سەرچاوە :

2 ئازار، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
516