ئۆپۆ

کۆمپانیای ئۆپۆ مۆبایلی Realme X Lite ـی بە پڕۆسێسەری Snapdragon 710 و کامێرای 16 مێگاپێکسڵەوە ڕاگەیاند

لەگەڵ ڕاگەیاندنی مۆبایلی Realme X ـدا، کۆمپانیای ئۆپۆ مۆبایلی Realme X Lite ـیشی بە تایبەتمەندی و نرخی مامناوەندەوە ڕاگەیاند.

مۆبایلەکە خاوەن ڕوونمایەکە بە قەبارەی 6.3 ئینج لە جۆری AMOLED، پڕۆسێسەری Snapdragon 710 ـی لەسەر جێگیرە و خاوەن بژاردەی ڕامی 4 و 6 گێگابایتیە، لەگەڵ بیرگەی ناوەکی بە بژاردەکانی 64 و 128 گێگابایت. لە پشتەوە خاوەن 2 کامێرایە و لە پێشەوەش خاوەن کامێرایەکە. هەروەها خاوەن پاترییەکیشە بە توانستی 4,045 ملی ئەمپێر و لە پشتیشەوە هەستەوەری پەنجەمۆر بوونی هەیە.

تایبەتمەندییەکانی مۆبایلی Realme X Lite:

  • ڕوونما: 6.3 ئینج – جۆری AMOLED – ڕوونی +FHD – وردی نیشاندانی 2340 بە 1080 پێکسڵ – شووشەی جۆری Corning Gorilla Glass 5.
  • دیزایننۆچ: هەیەتی.
  • پڕۆسێسەرQualcomm Snapdragon 710 2.2GHz octa-core.
  • گرافیک: Adreno 616.
  • ڕام: 4 و 6 گێگابایت.
  • بیرگە: 64 و 128 گێگابایت.
  • ئەستووری: –
  • کێش: –
  • پاتری: 4,045 ملی ئەمپێر/کاتژمێر.
  • بارگاویکردنەوە: بارگاویکەرەوەی خێرا بە توانای 20 وات لە جۆری VOOC 3.0.
  • کامێرای پشتەوەسەرەکی: 16 مێگاپێکسڵ. دووەم: 5 مێگاپێکسڵ.
  • کامێرای پێشەوە(سێڵفی): 25 مێگاپێکسڵ بە تیرەی f/2.0.
  • هەستەوەری ئاسایشی: هەستەوەری پەنجەمۆر لە پشتەوە.
  • دەرچە: Micro USB – دەرچەی بیستۆکی 3.5 ملیمەتری.
  • دەنگ: –
  • ڕایەڵە: دوانە سیمکارت – Wi-Fi 802.11a/b/g/n/ac – Bluetooth 5.0 – 4G LTE – VoLTE.
  • ڕەنگ: سپی – شین.
  • سیستەمی کارپێکەر: سیستەمی ColorOS 6 (بنچینەکراو لەسەر Android 9 Pie).

مۆبایلی Realme X Lite لە ڕێکەوتی 20 ـی ئەم مانگەدا بەردەست دەبێت بۆ کڕین بە شێوەی داواکاری پێشەوەختە بە نرخی دەستپێکی نزیکەی 180$.

سەرچاوە :

16 ئایار، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
690