ئەپ و نەرمەکاڵا

ئەپێک بۆ دەستخستنی سەدان پاشبنەما (Wallpaper) بە ڕوونی 4k

لە ماوەی چەند ساڵی ڕابردوودا، مۆبایلەکانی وەنپڵەس خاوەن ڕوونمای نایاب بوون، و بە تایبەت ئەو پاشبنەما نایابانەی کە لەگەڵ هەر نەوەیەکی ئەو مۆبایلە بینیومانن. ئەمەش هەمووی دەگەڕێتەوە بۆ هونەرمەندی سویدی، Hampus Olsson، کە لە وەنپڵەس ٢ـەوە پاشبنەماکان بۆ ئەم مۆبایلە دیزاین دەکات. ئێستاش بە خۆشحاڵیەوە هونەرمەندی ناوبراو ئەپێکی بە ناوی Abstruct تایبەت بە پاشبنەما لەسەر گووگڵ پلەی بڵاوکردوەتەوە.

ئەپەکە لە ئێستادا خاوەنی ٣٠٠ پاشبنەمایە بە ڕوونی 4K کە نیوەیان خۆڕاین و نیوەکەی تریشیان بە پارەن. ئەپەکان دابەشکراون و لە نێویاندا هاوپۆلێکی تایبەت هەیە بە ناوی OnePlus، و سەرباری بوونی چەندین بەشی تریش.

شایەنی باسە، ئەپەکە خاوەن ڕووکارێکی سادەیە و ئاسانە لە بەکارهێناندا. هەر لە ناو ئەپەکە دەتوانیت وێنەی خوازراو بخەیتە سەر ڕووکاری ماڵەوە یان ڕوونمای قوفڵ، هەروەک دایانبگریتە سەر مۆبایلەکەت.

هەروەکو ئاماژەی پێکرا، ئەپەکە زۆربەی پاشبنەماکانی خۆڕایین، بەڵام دەتوانیت بەشەکانی تریش بە ١.٩٩$ بکەیتەوە و بیکڕیت. بەفەرموون بە کرتەکردن لەم وێنەی خوارەوە ئەپەکە لە گووگڵ پلەی دابگرن.

https://play.google.com/store/apps/details?id=com.hampusolsson.abstruct

16 ئایار، 2019
ئاڤاتار
تەکنەلۆژیا بەشێکە لە ژیانم و ساڵانێکە هەواڵ و زانیاری بە زمانی کوردی دەنوسم و لە چەندین ماڵپەڕ و گۆڤار بڵاوم کردوونەتەوە و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ٦ ساڵە. ئیتر گرافیک دیزاینەریشم لە ئاستێکی باشدا و لە پای ئەم ئیشانەشدا مامۆستای زانکۆم! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!
1167