ئەپڵ وەشانی iOS 12.3.1 ـی بە چارەسەرکردنی چەند کێشەیەکەوە بەردەستکرد

لە دوای تێپەڕبوونی کەمتر لە 2 هەفتە بەسەر بەردەستکردنی وەشانی iOS 12.3 لە لایەن ئەپڵەوە، دوێنێ (24 ـی 5) کۆمپانیاکە وەشانی iOS 12.3.1 ـی بە چارەسەرکردنی چەند کێشەیەکەوە بۆ سەرجەم بەکارهێنەرانی ئایفۆن و ئایپاد و ئایپۆدەکان بەردەستکرد.

وەشانە نوێیەکەی ئای ئۆ ئێس وەشانی ژمارە iOS 12.3.1 (ژمارەی بنیادنەر: 16F203) ـە و قەبارەی 117 مێگابایتە. هیچ گۆڕانکارییەک لە وەشانە نوێیەکەدا ئەنجام نەدراوە. تەنها چەند کێشەیەکی کەم نەبێت. کێشە چارەسەرکراوەکان بریتین لە:

• چارەسەرکردنی کێشەی پچڕان و کارا نەبوونی خزمەتگوزاری (LTE (VoLTE.
• چارەسەرکردنی ناردنی بەستەرە ڤایرۆساوییەکان لە لایەن کەسانی نەناسراوەوە لە iMessage.

چۆنیەتی نوێکردنەوەی وەشان:

• کردنەوەی ئەپی Settings
• کردنەوەی بەشی General
• کردنەوەی بەشی Software Update
• کرتە کردن لە Download and install

تێبینی بۆ نوێکردنەوەی وەشان:

• پێویستە وزەی پاتری ئامێرەکەت لە %50 زیاتر بێت.
• پێویستت بە ئینتەرنێتی وایفای هەیە بۆ نوێکردنەوەی وەشان.

ماکوان بەرزان

خوێندکاری پەیمانگەی کۆمپیوتەرم، لە پاڵ ئەوەشدا پڕۆگرامەرم و لێرەش بەڕێوەبەری نووسین و نووسەرم تاوەکو دواین هەواڵ و زانیاری و وردەکارییەکانی پەیوەندیدار بە تەکنەلۆژیا بخەمە بەردەستی خوێنەر.