٢ مۆبایلە ئاست بەرزەکەی هواوەی P30 و P30 Pro بوونە براوەی خەڵاتی باشترین مۆبایلی زیرەک لە خەڵاتەکانی کیشوەری ئاسیا بۆ مۆبایل، لیژنەی بڕیاردان لەسەر براوەی خەڵاتەکانیش کۆمەڵێکبوون لە ڕۆژنامەنووس و شیکەرەوەی تایبەت بە بازاڕی بوارەکە و کەسانی کاریگەری دیکە و خەڵاتەکە لەسەر بنەمای چەندین شتی وەک دیزاین و هێز و خێرایی و (User experience) دەبەخشرێت.
چەند مانگێک لەمەوبەر هواوەی بە مۆبایلی P30 Pro شۆڕشێکی نوێی بەرپاکرد بە ڕاگەیاندنی بە زوومێکی ٥ هێندەی بینایی و هەستەوەرێکی کامێرای جۆری RYYB، ئەم سەرکەوتنەی هواوەییش دوای ئەوە دێت کە چەند ڕۆژێک لەمەوبەر کۆمپانیاکە ڕایگەیاند زنجیرەی P30 زۆر لە زنجیرەی P20 زووتر فرۆشی گەیشتووەتە ١٠ ملیۆن دانە(خوێندنەوە).
