ئەندرۆید

وەنپڵەس وەشانێکی نوێی ڕووکاری OxygenOS ـی ڕەوانەی مۆبایلی OnePlus 7 Pro کرد

کۆمپانیای وەنپڵەس بەردەوامە لە ڕەوانەکردنی وەشانە نوێیەکانی ڕووکاری OxygenOS ـی بنچینەکراو لەسەر Android Pie بۆ مۆبایلە نوێ و کۆنەکانی بێ جیاوازی. هەر بەم بۆنەیەوە، ئەمڕۆ کۆمپانیاکە وەشانێکی نوێی لە ڕووکارەکەی ڕەوانەی مۆبایلی OnePlus 7 Pro کرد.

وەشانە نوێیەکەی ڕووکاری OxygenOS بۆ مۆبایلی OnePlus 7 Pro وەشانی ژمارە 9.5.9 ـە، قەبارەی وەشانەکە 325 مێگابایتە. گرنگترین نوێکارییەکانی وەشانەکە بریتین لە:

سیستەم:

  • باشترکردنی کاردانەوەی پەنجە.
  • خێراترکردنی کاردانەوەکانی بینایی.
  • باشترکردنی هەستیاری ڕووناکی خودکار.
  • باشترکردنی گۆڕینی خودکاری سووڕانی ڕوونما.
  • باشترکردنی خێرایی و کاردانەوەی GPS لە کاتێکدا ڕوونما کوژاوە بێت.
  • زیادکردنی تایبەتمەندی Face Unlock assistive lighting؛ لەو کاتانەی کە تاریکە و ناسێنەرەوەی دەموچاو ناتوانێت قفڵ بکاتەوە، ڕووناکی ڕوونما زیاد دەکات وەکو یارمەتیدەر بۆ کردنەوەی قفڵ.
  • باشترکردنی جۆرایەتی دەنگ بۆ بیستۆکی OnePlus Bullets Wireless 2.
  • لەخۆگرتنی ڕێڕەوی ئاسایشی ئەندرۆید بۆ مانگی 6 ـی 2019.

کامێرا:

  • خێراکردنی دۆخی کامێرا لە کاتی ئاڵوگۆڕکردنی کامێرای پێشەوە بۆ دواوە.
  • زیادکردنی خێرایی سەرنجدانی خودکار (Auto-focus).
  • باشترکردنی دۆخی پانۆراما (Panorama mode).
  • باشترکردنی جۆرایەتی 48 مێگا پێکسڵی JPG لە دۆخی Pro.

لە ئێستادا وەشانەکە بۆ ژمارەیەکی زۆر لە بەکارهێنەرانی مۆبایلی OnePlus 7 Pro ڕەوانە کراوە و بەمنزیکانە دەگاتە دەستی سەرجەم بەکارهێنەرانی مۆبایلەکە. ئەگەر دەتەوێت دەستبەجێ و بە زووترین کات وەشانەکەت بەدەست بگات، VPN کار پێبکە و وڵاتی Canada دیاری بکە.

چۆنیەتی نوێکردنەوە و پشکنین کردن بۆ وەشانەکان:

  • کردنەوەی ئەپی Settings
  • کردنەوەی بەشی About Device
  • کردنەوەی بەشی Software Updates
سەرچاوە :
9 ته‌مموز، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
704