ئەپ و نەرمەکاڵا

ئەپی WhatsApp بۆ سیستەمی KaiOS بەردەستکرا

سیستەمی KaiOS، ئەو سیستەمەیە کە لە ساڵی 2017 ـەدا بۆ ژمارەیەک لە مۆبایلە ئاست نزمەکان بەردەستکرا. لە کۆتایدا، بە فەرمی کۆمپانیای فەیسبووک ئەپی WhatsApp ـی بۆ ئەو مۆبایلانە بەردەستکرد کە بە سیستەمی KaiOS کار دەکەن، ئەمەش لە دوای ئەوەی کە ساڵی ڕابردوو کۆمپانیاکە بەڵێنی بەردەستکردنی ئەپەکەی دابوو بۆ سیستەمەکە.

ئێستا بەکارهێنەرانی ئامێرەکانی KaiOS لە کۆگای KaiStore دەتوانن ئەپی WhatsApp بۆ ئەو ئامێرانەیان دابگرن کە فراوانی ڕامیان 256 یاخود 512 دەبن. لەگەڵ ئەوەشدا، ئەپەکە لە چارەکی سێیەمی ئەمساڵدا دەبێتە ئەپێکی بنەڕەتی لە سیستەمی KaiOS ـدا و لە کاتی کڕینی ئامێرە نوێیە کارکردووەکان بە سیستەمەکە بەردەست دەبێت.

لە سەرەتادا سیستەمی KaiOS بۆ مۆبایلی JioPhone بەردەست ببوو، لە پاشان کۆمپانیای نۆکیا لە ئەمساڵدا بۆ مۆبایلی Nokia 8110 بەکاریهێنا. لە ئێستادا ئەپی WhatsApp بۆ مۆبایلەکانی؛ Cat B35 و Doro 7060 و (JioPhone (Reliance Jio و (JioPhone 2 (Reliance Jio و MTN Smart و (Nokia 8110 (HMD Global و Orange Sanza بەردەستە.

سەرچاوە :
24 ته‌مموز، 2019
ئاڤاتار
بەڕێوەبەری نووسین و نووسەر لە کەی ئای تی ئێن. خوێندکاری پەیمانگەی کۆمپیوتەرم، گەشەپێدەرم و شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
828