ئەندرۆید

لە دواین وەشانی ڕووکاری OxygenOS بۆ مۆبایلەکانی OnePlus 5 و 5T، تۆمارکەری ڕوونما زیادکرا

کۆمپانیای وەنپڵەس بەردەوامە لە ڕەوانەکردنی وەشانە نوێیەکانی ڕووکاری OxygenOS بۆ مۆبایلە کۆنەکانی. کۆمپانیاکە وەشانێکی نوێی لە ڕووکاری OxygenOS بۆ مۆبایلەکانی OnePlus 5 و 5T بە زیادکردنی تۆمارکەری ڕوونما و زیاترەوە ڕەوانەکرد.

وەشانە ڕەوانەکراوە نوێیەکەی ڕووکاری OxygenOS بۆ مۆبایلەکانی OnePlus 5 و 5T وەشانی ژمارە 9.0.7 ـە و قەبارەی 502 مێگابایتە. گرنگترین نوێکارییەکانی وەشانە نوێیەکە بریتین لە:

System:

  • زیادکردنی تۆمارکەری ڕوونما (Screen recorder) لە بەشی Quick Settings > Edit > Screen Recorder.
  • زیادکردنی وەڵامدانەوەی خێرا (Quick reply) لە دۆخی ئاسۆیدا لە بەشی Settings > Utilities > Quick reply in landscape.
  • لەخۆگرتنی ڕێڕەوی ئاسایشی مانگی 6 ـی 2019 ـی ئەندرۆید.
  • چارەسەرکردنی وردە کێشەکان.

دۆخی یاری (Gaming mode):

  • زیادکردنی دۆخی Fnatic mode لە بەشی Settings > Utilities > Gaming mode.

ئەپی Phone:

  • چارەسەرکردنی کێشەکانی بەشی Speed Dial.

لە ئێستادا وەشانەکە گەیشتۆتە دەست ژمارەیەک لە بەکارهێنەرانی مۆبایلەکان لە چەند ناوچەیەک و لە داهاتوویەکی نزیکدا دەگاتە دەست سەرجەم بەکارهێنەرانی مۆبایلەکان لە جیهاندا.

بەم شێوەیە پشکنین بۆ وەشانەکە بکە و دایبەزێنە(ئەگەر بە دەستت گەیشتووە):

  • کردنەوەی ئەپی Settings.
  • کردنەوەی بەشی About.
  • کردنەوەی بەشی Software Updates.

ڕێبەری:

ئەگەر دەتەوێت بە زووترین کات وەشانە نوێیەکەت بەدەست بگات، VPN کارا بکە و وڵاتی کەنەدا هەڵبژێرە.

سەرچاوە :
24 ته‌مموز، 2019
ئاڤاتار
بەڕێوەبەری نووسین و نووسەر لە کەی ئای تی ئێن. خوێندکاری پەیمانگەی کۆمپیوتەرم، گەشەپێدەرم و شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
841