10
مۆبایل و تابلێت 5, ئاب 2019 بۆچوون

کۆمپانیای ZTE یەکەمین مۆبایلی پشتگیر لە 5G لە وڵاتی چین بەردەست دەکات

لە دوای ئەوەی لە سەرەتاکانی ئەمساڵ و لە کۆنگرەی MWC ـدا، کۆمپانیای ZTE ـی چینی مۆبایلی ZTE Axon 10 Pro 5G ـی بە پڕۆسێسەری Snapdragon 855 و ڕامی 6 گێگابایتییەوە ڕاگەیاند، وا بڕیارە ئەمڕۆ کۆمپانیای ZTE مۆبایلەکە لە چین بەردەست بکات.

بە بەردەستکردنی مۆبایلی Axon 10 Pro 5G لە لایەن ZTE ـەوە، کۆمپانیاکە پێش کۆمپانیای هواوەی دەکەوێت و دەبێتە یەکەمین کۆمپانیا کە مۆبایلی پشتگیر لە نەوەی پێنجەمی پەیوەندی 5G لە وڵاتی چین بەردەست بکات. هەرچەندە ئەگەر ئەمڕۆ کڕیارانی وڵاتی چین مۆبایلەکەیان بەدەست بگات، ناتوانن تاوەکو مانگی 10 سوود لە نەوەی پێنجەمی پەیوەندی 5G وەربگرن، بە هۆی ئەوەی کە تاوەکو ئێستا تەکنەلۆژیاکە لە وڵاتی چین بەردەست نەکراوە.

پێگەی TechCrunch ئاماژە بەوە دەدات کە کۆمپانیاکانی پەیوەندی وڵاتی چین هیوا دەخوازن تاوەکو کۆتاییەکانی ئەمساڵ، نەوەی پێنجەمی پەیوەندی 5G لە 50 شاری وڵاتەکەدا بەردەست بکەن. کۆمپانیاکانی پەیوەندی China Telecom و China Unicom ـیش لە پێشوودا مۆڵەتی کارپێکردنی نەوەی پێنجەمی پەیوەندی 5G ـیان وەرگرتبوو.

ئەمانەی خوارەوە گرنگترین تایبەتمەندییەکانی مۆبایلی ZTE Axon 10 Pro 5G ـن:

  • ڕوونما: قەبارە: 6.47 ئینج. جۆر: AMOLED. وردی نیشاندان: 1080 بە 2340 پێکسڵ. شووشە: Corning Gorilla Glass.
  • پڕۆسێسەر: Qualcomm Snapdragon 855.
  • گرافیک: Adreno 640.
  • ڕام: 6 گێگابایت.
  • بیرگە: 128 گێگابایت.
  • ئەستووری: 7.9 ملیمەتر.
  • کێش: –
  • پاتری: 4,000 ملی ئەمپێر.
  • بارگاویکردنەوە: پشتگیریکردن لە بارگاویکردنەوەی خێرا بە توانای 18 وات.
  • کامێرای پشتەوە: سەرەکی: 48 مێگاپێکسڵ بە تیرەی f/1.7. دووەم: 8 مێگاپێکسڵ بە تیرەی f/2.4. سێیەم: 20 مێگاپێکسڵ بە تیرەی f/2.2.
  • کامێرای پێشەوە(سێڵفی): 20 مێگاپێکسڵ بە تیرەی f/2.0.
  • هەستەوەری ئاسایشی: هەستەوەری پەنجەمۆر لەسەر ڕوونما.
  • دەرچە: USB-C.
  • ڕایەڵە: 5G – Wi-Fi 802.11 a/b/g/n/ac – dual-band – Wi-Fi Direct – hotspot.
  • ڕەنگ: شین.
  • سیستەمی کارپێکەر: Android 9 Pie.
  • نرخ: دەست پێدەکات لە 1200$.
سەرچاوە :
بۆچونی تۆ