ئێڵ جی

مانگی داهاتوو کۆمپانیای LG مۆبایلێکی سیانە ڕوونمایی ڕادەگەیەنێت

کۆمپانیای LG لە ئامادەکاریدایە بۆ ڕاگەیاندنی یەکەمین مۆبایلی زیرەکی خاوەن 3 ڕوونما. بۆ ئەم مەبەستەش، کۆمپانیایە ڕێکەوتی ئاشکراکردنی مۆبایلە سیانە ڕوونماکەی ئاشکراکرد و ڤیدیۆیەکی تایبەتی بڵاوکردەوە.

لە ڤیدیۆیەکدا، کۆمپانیای LG دەریدەخات کە نوێترین مۆبایلی خاوەن 3 دانە ڕوونما دەبێت. لە ڤیدیۆکەدا کۆمپانیای LG یاری ئەنجام دەدات لە ڕوونمای یەکەمی مۆبایلە نوێیەکەیدا، هەروەها لە ڕوونمای دووەمدا نەخشەی شوێنی کۆنگرەی IFA 2019 لە یەک کاتدا بەکار دەهێنێت. هەرچی دەربارەی ڕوونمای سێیەمە، تایبەت دەبێت بە کاتژمێر و بەروار.

کۆمپانیاکە ئاشکرای کردووە کە مۆبایلە سیانە ڕوونماییەکەی لە کۆنگرەی IFA 2019 ـدا نمایش دەکات کە وا بڕیارە کۆنگرەکە لە ڕێکەوتی 6 ـی مانگی داهاتوو لە شاری بەرلینی پایتەختی وڵاتی ئەڵمانیا ئەنجام بدرێت.

ڤیدیۆی مۆبایلە سیانە ڕوونماییە نوێیەکەی LG زۆر لە مۆبایلی LG V50 ThinQ ـی دوانە ڕوونما دەچێت کە لە سەرەتاکانی ئەمساڵدا لە کۆنگرەی MWC ـدا نمایشکرا. پێناچێت مۆبایلە سیانە ڕوونماییە نوێیەکەی کۆمپانیای LG لە جۆری چەماوەیی بێت هاوشێوەی مۆبایلەکانی سامسۆنگ Galaxy Fold و هواوەی Mate X.

سەرچاوە :

7 ئاب، 2019
ئاڤاتار
بەڕێوەبەری نووسین و نووسەرم لە کەی ئای تی ئێن. خوێندکاری پەیمانگەی کۆمپیوتەرم، گەشەپێدەرم و شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
947