10
مۆبایل و تابلێت 19, ئه‌یلول 2019 بۆچوون

هواوەی مۆبایلی Mate 30 RS Porsche Design ـی بە نرخی 2,315$ ـەوە بۆ کەسە خانەدانەکان ڕاگەیاند

لە پاڵ ڕاگەیاندنی مۆبایلەکانی Mate 30 و Mate 30 Pro، کۆمپانیای هواوەی مۆبایلی Mate 30 RS Porsche Design ـی بە نرخێکی ئێجگار بەرزەوە بۆ کەسە خانەدانەکان بە هاوبەشی لەگەڵ کۆمپانیای Porsche ـی ئەڵمانی ڕاگەیاند.

مۆبایلی Mate 30 RS Porsche Design زۆرینەی تایبەتمەندییەکانی هاوشێوەی تایبەتمەندییەکانی مۆبایلی Mate 30 Pro ـە. بەڵام دیزاینی پشتەوەی جیاوازە و کامێراکانی بە شێوەیەکی دیکە ڕێکخراون. هەروەها خاوەن بژاردەی ڕەنگەکانی ڕەش و سوورە و پشتەوەی بە چەرم ڕووپۆش کراوە. تاکە جیاوازی لە تایبەتمەندییەکانیدا، ئەوەیە کە خاوەن ڕامێکە بە فراوانی 12 گێگابایت و بیرگەیەکی ناوەکی بە قەبارەی 512 گێگابایت.

گرنگترین تایبەتمەندییەکانی مۆبایلی Huawei Mate 30 RS Porsche Design:

  • ڕوونماقەبارە: 6.53 ئینج. جۆر: OLED. وردی نیشاندان: 1176 بە 2400 پێکسڵ.
  • دیزایننۆچ: هەیە. چاڵی ژێر ڕوونما: نییە.
  • پڕۆسێسەر: (HiSilicon Kirin 990 (7 nm.
  • گرافیک: Mali-G76 MP16.
  • ڕام: 12 گێگابایت.
  • بیرگە: 512 گێگابایت.
  • ئەستووری: –
  • کێش: –
  • پاتری: 4,500 ملی ئەمپێر/کاتژمێر.
  • بارگاویکردنەوە: پشتگیری لە بارگاویکەرەوەی بێوایەر و بارگاویکەرەوەی خێرا بە توانای 40 وات.
  • کامێرای پشتەوەسەرەکی: 40 مێگاپێکسڵ بە تیرەی f/1.6 و لە جۆری Wide. دووەم: 8 مێگاپێکسڵ بە تیرەی f/2.4 و لە جۆری Telephoto. سێیەم: 40 مێگاپێکسڵ بە تیرەی f/1.8 و لە جۆری Ultra Wide. چوارەم: لە جۆری 3D TOF
  • کامێرای پێشەوە(سێڵفی): 32 مێگاپێکسڵ.
  • هەستەوەری ئاسایشی: هەستەوەری پەنجەمۆر لە ژێر ڕوونما و ناسێنەرەوەی دەموچاو.
  • دەرچە: USB-C – بیستۆک.
  • پارێزەر: –
  • ڕایەڵە: GSM – HSDPA – LTE -Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0. تایبەتمەندی NFC: هەیە. تایبەتمەندی Radio: نییە.
  • سیمکارت: دوانە سیمکارت.
  • ڕەنگ: ڕەش – سوور.
  • سیستەمی کارپێکەر: EMUI 10 (بنچینەکراو لەسەر Android 9 Pie).
  • حاڵەتی بەردەستبوون: نەزاندراوە.
  • نرخ: دەست پێدەکات لە 2,315$.

نرخی مۆبایلە خانەدانەکەی هواوەی 2,315$ ـە و ڕێکەوتی بەردەستکردنی نەزاندراوە.

بۆچونی تۆ