ئۆپۆ 23, ئه‌یلول 2019

دیزاین و گرنگترین تایبەتمەندییەکانی مۆبایلی Oppo Reno Ace ئاشکرا بوون

لە ماوەی ڕابردوودا، کۆمپانیای ئۆپۆی چینی ڕێکەوتی ڕاگەیاندنی مۆبایلی Oppo Reno Ace ـی ئاشکرا کردبوو. بەڵام دیزاین و زۆرینەی تایبەتمەندییەکانی مۆبایلەکە بە نادیاری مابوونەوە.

کۆمپانیاکە وێنەیەکی لە تۆڕی Weibo ـی چینیدا بڵاوکردۆتەوە و تێیدا دیزاین و گرنگترین تایبەتمەندییەکانی مۆبایلی Oppo Reno Ace ـی ئاشکرا کردووە. لە وێنەکەدا، دەردەکەوێت مۆبایلەکە لە پشتەوە خاوەن 4 دانە کامێرای ستوونی دەبێت لە ناوەڕاستدا و لە پێشەوەی ڕوونماکەشیدا نۆچی دڵۆپەیی بوونی دەبێت بۆ جێگیرکردنی کامێرای پێشەوەی. هەستەوەری پەنجەمۆر لە پشتەوەدا نابیندرێت، هەر بۆیە ئەگەر زۆرە خاوەن هەستەوەری پەنجەمۆری ژێر ڕوونما بێت. هەروەها بە ڕەنگەکانی سەوزی تێکەڵاو و شین و مۆری تێکەڵاوەوە بەردەست دەکرێت.

سەبارەت بە تایبەتمەندییەکانی، مۆبایلەکە پڕۆسێسەری Snapdragon 855 Plus ـی لەسەر جێگیر دەبێت و خاوەن دەرچەی USB-C و بیستۆکی 3.5 میلیمەتری دەبێت. پشتگیری لە بارگاویکردنەوەی خێرا دەکات بە توانای 65 وات و خێرایی ڕوونماکەی 90 هێرتز دەبێت.

وا بڕیارە لەڕێکەوتی 10 ـی مانگی داهاتوودا مۆبایلەکە لە بۆنەیەکی تایبەتدا ڕابگەیاندرێت.

سەرچاوە :
بۆچونی تۆ