ئەندرۆید 27, نیسان 2015

|نوێکراوەتەوە| فەرهەنگی قەڵەم (عەرەبی بۆ کوردی و بەپێچەوانەوە) بەم زووانە بۆ سیستەمی ئەندرۆید بڵاودەکرێتەوە

11148510_765781426870707_3762065126492372513_nوا دیارە زمانی عەرەبیش لەلایەن گەشەپێدەران فەرامۆش نەکراوە و فەرهەنگی تایبەت بەو زمانە بەرهەم هاتوون و بەردەوامیش کار بۆ شتی جیاواز و جۆرایەتی بەرز دەکرێت. ئەوەتا هەمان گەشەپێدەری فەرهەنگی کارزانی ئینگلیزی بۆ کوردی و بەپێچەوانەوە، ئەوا فەرهەنگێکی تری بەناوی قەڵەم بەرهەم هێناوە کە توانای وەرگێرانی وشەی هەیە لە زمانی عەرەبی بۆ کوردی و بەپێچەوانەوە و تا ئێستا نەزانراوە ڕێژەی وشەکانی چەندە بەڵام بەگوێرەی ئەو زانیاریانەی دەستی ئێمە کەوتووە بەم زووانە بڵاودەکرێتەوە بۆ سیستەمی ئەندرۆید و ئەوکات ڕێژەکە ئاشکرا دەبێت و بۆ سیستەمەکانی تریش تا ئەم چرکە ساتە هیچ لە ئارادانییە و چاوەڕوانی زانیاری زیاتر بن! هیوادارین ببێتە سەرچاوەیەکی باش بۆ فێرخوازانی زمان و بەتایبەتیش عەرەبی.

دوای پەیوەندی کردمان بە گەشەپیێدەری فەرهەنگەکە چەند زانیاریەکی نوێمان وەرگرت جیا لەوەی لەسەرەوە ئاماژەمان پێداوە ئەوانیش ژمارەی وشەکان کە بەشی عەرەبی بۆ کوردی ٦١ هەزار وشە لەخۆی دەگرێت و لە توانایدا هەیە بە حەرەکە واتە (فتحة و کسرة و …هتد) بگەڕێت و بە بێ حەرەکەکانیش. و بەشی کوردی بۆ عەرەبییەکەی نزیکەی ٤٨ هەزار بۆ ٤٩ هەزار وشە لەخۆی دەگرێت و ئیدی ئەمەش وەکو فەرهەنگەکانی تر بەشی دڵخوازەکانی تێدایە بۆ دانانی ئەو وشانەی کارت پێیانە و دەتەوێت بەئاسانی بۆیان بگەڕێیتەوە. هەروەها لەکاتی گەڕان بۆ وشەیەک چەند وشە لەسەر ئەم وشەیە تێنوس کرابێت دەیکات بە لیستێک بۆ ئەوەی بەئاسانی کامیانت مەبەست بوو هەڵی بژێریت و واتاکەی دەست بخەیت. سەرەڕای ئەم هەموو تایبەتمەندیانە تەختەکلیلی (کیبۆردی) خۆی لەگەڵە و پێویستی بە کیبۆردی تر نییە!

ئەم زانیاریانەی سەرەوە لەلایەن ئێمە گشتی پشت ڕاستکراوەتەوە و بەم زووانە إن شاءالله دەکەوێتە گووگڵ پلەی و ئەوکات ئێوەش دەتوانن دایبگرن.

بۆچوونەکان
  • سیروان نوری

    تکایە پەلە بکەن ئیشێکی زۆر باشە بەڕاستی زۆرم پێویست پێیە

بۆچونی تۆ