10
ئەپڵ 24, حوزه‌یران 2015

لە هیندستان مۆبایلێکى iPhone 6 دەتەقێتەوە!

آيفون-6

تەقینەوەى مۆبایلەکان بەداخەوە هەوڵێکى تازە نییە، چەندین بار و دۆخى لەو شێوەیەمان پێشتر بینیوە بەشێوەیەکى خێرا و چاوەڕوان نەکراو، هەڵبەتە ئەو ڕووداوانەش هۆکاریان هەیە و زۆربەى هۆکارەکانیش بۆ بەرزبوونەوەى پلەى گەرمى پاترى دەگەرێتەوە، کە دەبێتە هۆى هەڵاوسان یاخود تەقینەوەى.

گەنجێکى هیندى بەناوى (یاداڤ) تووشى حاڵەتێکى چاوەڕوان نەکراوى لەم شێوەیە بووە، وەک (یاداڤ) ڕووداوەکە دەگێڕێتەوە و دەڵێت: “لەناو ئۆتۆمبێل بووین لەگەڵ هاوڕێکانم و گفتوگۆ و قسەمان دەکرد، لەوکاتەدا تێبینیم کرد کە مۆبایلەکەم پڕیشکى لێ دێتە درەوە و هەستم کرد کە دەستم و مۆبایلەکە زۆر گەرمبووە و لەوکاتەدا بەخێرایی پەنجەرەکەم کردەوەو مۆبایلەکەم تێیدا فڕەدا دەرەوە و کاتێک مۆبایلەکە کەوتە سەر ئەرز پاش چەند چرکەیەک تەقیەوە، دواى ئەوە مۆبایلەکەم هەڵگرتەوە و بردمەوە ئەو کۆگایەى لێم کڕیبوون و پێم ووتن کە بیگەڕێننەوە بۆ ناوەندى خزمەتگوزارى ئەپڵ، بەڵام وتیان ناوەندى حزمەتگوازى سکاڵاکەت تۆمارناکات، جگە لەوە ناوندەکە ووتى کە ئایفۆنەکە و پارچە بەجێماوەکانمان بۆ بهێنێتەوە و ئێمە نوێدەکەینەوە لەلایەن ئەپڵەوە و ڕادەستى خاوەنکەى دەکەینەوە”.

یاداڤ زۆر دڵتەنگ بووە بەو هۆیەوە بڕیارى داوە کە سکاڵایەک لەلاى پۆلیس تۆماربکات. تاوەکو ئێستا هۆى ڕوودانى ئەو کارەساتە مەترسیدارە نەزانراوە و ڕوون نییە، بەڵام پێدەچێت کە بەهۆى پاتریەکەى بووبێت یاخود بەهۆى بەکارهێنانى بارگاویکەرەوەى لاسایى و کۆپى.

س/ TimesofIndia , Phonearena , Tech-WD

بۆچونی تۆ