سامسۆنگ 21, شوبات 2019

لە ماوەی 10 ساڵدا سامسۆنگ 2 ملیار مۆبایلی گالەکسی فرۆشتووە

دوێنێ سامسۆنگ کۆنگرەی Unpacked ـی ئەنجامدا. تێیدا پەردەی لەسەر مۆبایلەکانی گالەکسی S10 و +S10 و S10E و S10 5G و مۆبایلی چەماوەی گالەکسی Fold و بیستۆکی بێوایەری گالەکسی Buds و 3 جۆر لە کاتژمێری زیرەکی بە ناوەکانی گالەکسی Watch Active و Fit و Fit e لادا.

لە کاتی بەڕێوەچوونی کۆنگرەکەدا، بەڕێوەبەری گشتی کۆمپانیای سامسۆنگ بەڕێز DJ Koh هاتە سەر سەکۆ و زنجیرەیەک وتاری پێشکەش کرد. بەڕێوەبەرەکەی سامسۆنگ لە وتارێکیدا ڕایگەیاند کە لە ساڵی 2010 ـەوە تاوەکو ئێستا کۆمپانیاکەی 2 ملیار مۆبایلی گالەکسی فرۆشتووە، بەو مانایەی لە ئێستادا 2 ملیار مۆبایلی گالەکسی لە گشت جۆرەکان لە جیهاندا بوونیان هەیە.

وتاری بەڕێوەبەرەکەی سامسۆنگ بە بێ وردەکاری زیاتر و ژماردنی جۆرەکانی گالەکسییەکان بوو، بەڵام ڕایگەیاند کە مۆبایلەکانی گالەکسی S و گالەکسی Note ـەکان لە لیستی 2 ملیار گالەکسییەکاندا بوونیان هەیە. لە بیرمان نەچێت مۆبایلەکانی گالەکسی بە تەنها پێک نەهاتووە لە S و Note، بەڵکو هەریەک لە زنجیرەکانی گالەکسی A و C و J و چەندانی دیکە بوونیان هەیە.

سەرچاوە :
بۆچونی تۆ