سامسۆنگ

سامسۆنگ لە پلانیدایە 2 مۆبایلی چەماوەیی دیکە ڕابگەیەنێت

لە چەند ڕۆژی ڕابردوودا کۆمپانیای سامسۆنگ یەکەمین مۆبایلی چەماوەیی خۆی بە ناوی گالەکسی Fold ـەوە نمایشکرد. کۆمپانیا کۆرییەکە لە نیازیدایە بازاڕی مۆبایلە چەماوەییەکان گەرمتر بکات بە 2 بەرهەمی دیکەوە.

پێگەی Bloomberg ئاشکرای کردووە کە سامسۆنگ لە پلانیدایە 2 مۆبایلی چەماوەیی دیکە ڕابگەیەنێت. بە پێی ڕاپۆرتەکە، یەکێک لە مۆبایلە چەماوەییە نوێیەکەی سامسۆنگ ڕوونماکەی بە ڕووی پشتەوە دەکرێتەوە هاوشێوەی هواوەی Mate X و بە پێچەوانەی گالەکسی Fold

هەروەها پێگەیە ئاشکرای کردووە کە مۆبایلە چەماوەییە نوێیەکەی دیکەی کۆمپانیاکە لولپێچی دەبێت و دەتوانرێت یەک بخرێت. هاوشێوەی مۆبایلی چەماوەی داهاتووی Motorola RAZR کە وا بڕیارە لە کۆتاییەکانی ئەمساڵ یاخود سەرەتاکانی ساڵی داهاتوودا ڕابگەیەندرێت.

مۆبایلی چەماوەیی گالەکسی Fold لە مانگی 4 ـی ئەمساڵدا بەردەست دەکرێت. بەڵام وەکو دیارە کۆمپانیا کۆرییەکە بەردەوامە لە گەشەپێدانی ڕوونمای چەماوەیی و لە ئامادەکاریدایە بۆ ڕاگەیاندنی 2 مۆبایلی ڕوونما چەماوەیی دیکە.

سەرچاوە:

7 ئازار، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. لەگەڵ جیهانی تەکنەلۆژیادا تێکەڵم و ئاگاداری دواین هەواڵەکانی تەکنەلۆژیام بە گشتی. خولیام بۆ ته‌كنه‌لۆژیا وای كرد كه‌ له‌ كه‌ی ئای تی ئێن درێژە بە خزمەتەکانم بدەم و بەردەوامبم لە گەیاندنی هەواڵە گرنگ و نوێیەکانی تەکنەلۆژیا بە شێوەیەکی درووست بە خوێنەرانی کورد.
346