ئێڵ جی

مانگی داهاتوو کۆمپانیای LG یەکەمین تەلەفزیۆنی زیرەک بە پشتگیری AirPlay و HomeKit ـەوە بەردەست دەکات

لە پێشوودا کۆمپانیای LG ڕایگەیاندبوو کە پشتگیری AirPlay و HomeKit بۆ تەلەفزیۆنە زیرەکە نوێیەکانی زیاد دەکات. کۆمپانیاکە کاتی ڕاگەیاندنی یەکەمین تەلەفزیۆنەکانی ئاشکراکرد کە پشتگیری لە دوو تایبەتمەندییەکە دەکەن.

تەلەفزیۆنە نوێیەکانی LG ناویان E9 و C9 دەبێت و ڕوونمای هەردووکیان لە جۆری OLED دەبن. مۆدێلی C9 خاوەن بژاردەی قەبارەی ڕوونمای 55 ئینج و 65 ئینج 77 ئینج دەبێت و نرخی لە 2.499$ ـەوە دەستپێدەکات. وە مۆدێلی E9 خاوەن بژاردەی قەبارەی ڕوونمای 55 ئینج و 65 ئینج دەبێت و نرخی لە 3.299$ ـەوە دەستپێدەکات. تەلەفزیۆنە نوێیەکان مانگی داهاتوو بەردەست دەکرێن.LG Electronics USA announced that the first of its highly-anticipated 2019 LG OLED TVs with AI ThinQ®, will debut in April with the arrival of the 65-inch E9 and C9 models at LG-authorized dealers nationwide.

بە هەبوونی هەردوو تایبەتمەندییەکە، ڕێگە بە بەکارهێنەرانی ئامێرەکانی ئایفۆن و ئایپاد و ماکەکان دەدات وێنە و ڤیدیۆ و دەنگەکانیان لە ڕێگای AirPlay ـەوە بگوازنەوە بۆ سەر تەلەفزیۆنە زیرەکەکانیان لە جۆری LG و لە ڕێگای خزمەتگوزاری دەنگی Siri کۆنتڕۆڵی تەلەفزیۆنەکانیان بکەن، هەروەها لە ڕێگای HomeKit ـی ئامێرەکانیانەوە تەلەفزیۆنەیان کار پێبکەن و بیکوژێننەوە.

پێشووتر کۆمپانیای سامسۆنگیش ئاشکرای کردبوو کە بە هاوکاری ئەپڵ پشتگیری AirPlay و HomeKit بۆ تەلەفزیۆنە زیرەکەکانی ئەمساڵی زیاد دەکات.

سەرچاوە :

18 ئازار، 2019
ئاڤاتار
بەڕێوەبەری نووسین و نووسەرم لە کەی ئای تی ئێن. خوێندکاری پەیمانگەی کۆمپیوتەرم، گەشەپێدەرم و شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
934