ئای ئۆ ئێس

ئەپی فەرمی WWDC بە وێنۆچکە و لەزگەی نوێوە بۆ iOS نوێکرایەوە

کەمتر لە 2 هەفتە ماوە بۆ دەستپێکردنی کۆنگرەی جیهانی گەشەپێدەران (WWDC 19). وەکو هەموو ساڵێک و لە پێش بەڕێوەچوونی کۆنگرەکەوە، ئەپڵ ئەپی فەرمی کۆنگرەکەی بە چەندین گۆڕانکارییەوە بۆ ئای ئۆ ئێس نوێکردەوە.

گۆڕانکارییە دیارەکان لە وێنۆچکە و لەزگەکان کراون. ئێستا دەتوانرێت لە ڕێکخستنەکانی ئەپەکە یەکێک لە 8 وێنۆچکە هەڵبژێریت بۆ وێنۆچکەی سەرەکی ئەپەکە، کە پێکدێن لە وێنۆچکەی فەرمی ئەپڵ بە شێوەی نیۆن. هەروەها دەتوانرێت چەندین لەزگەی جۆراوجۆر لە جۆری نیۆن و تایبەت بە کۆنگرەکە لە ئەپی iMessage ـدا بەکاربهێندرێت.

گرنگترین تایبەتمەندییەکانی ئەپەکە بریتین لە:

  • بینینی کۆنگرەکە بە شێوەی پەخشی ڕاستەوخۆ.
  • بینینی و داگرتنی ڤیدیۆکانی کۆنگرەی ئەمساڵ و ساڵانی ڕابردووی WWDC.
  • بینینی کات و شوێن و پێناسەکانی کۆنگرەکە.
  • بینینی شوێنەکانی نێو باڵەخانەی بەڕێوەچوونی کۆنگرەکە.
  • ئاگاداربوون لە دواین هەواڵەکان و ڕاگەیەندراوەکان.
  • بە دەستگەیشتنی ئاگادارکەرەوە دەربارەی کۆنگرەکە.
  • زیادکردنی بلیتی تێپەڕبوونی کۆنگرەکە بۆ ئەپی Wallet بۆ ئاسانکاری لە چوونە ژوورەوە.

کرتە لە وێنۆچکەکەی خوارەوە بکە بۆ نوێکردنەوە/داگرتنی ئەپەکە بۆ iOS

کۆنگرەی WWDC ـی ئەمساڵ لە ڕێکەوتی 3 ـی مانگی 6 ـدا لە هۆڵی McEnery ـی شاری سان خۆسێی ویلایەتی کالیفۆڕنیای ئەمریکا بەڕێوەدەچێت، هەروەها 5 ڕۆژ دەخایەنێت و تاوەکو 7 ـی هەمان مانگ بەردەوام دەبێت.

هاوشێوەی ساڵانی ڕابردوو، بۆ ئەمساڵیش کەی ئای تی ئێن کۆنگرەکەتان بە زمانی کوردی بۆ ڕووماڵ دەکات. چاوەڕوان بن!

سەرچاوە :
23 ئایار، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
599