لەمەودوا دەتوانیت میوزیکەکانی Spotify لە ستۆری Facebook ـدا هاوبەشی پێبکەیت

دوێنێ شەو کۆمپانیای Spotify ـی خاوەن خزمەتگوزاری Spotify تایبەت بە میوزیک و گۆرانییەکان پشتگیری هاوبەشیپێکردنی میوزیکەکانی بۆ تۆڕێکی دیکە ڕاگەیاند.

کۆمپانیای Spotify ڕایگەیاند کە لەمەودوا گوێگرانی ئەپی Spotify لە iOS و Android دەتوانن میوزیکەکانیان هاوبەشی پێبکەن بۆ بەشی ستۆری تۆڕی فەیسبووکەوە. کردارەکە لە ڕێگەی کرتە کردن لە دوگمەی هاوبەشیپێکردنی میوزیکی خوازراوەوە دەکرێت لە نێو ئەپی Spotify و لە پاشان هەڵبژاردنی Facebook. هاوبەشیپێکردنەکە بۆ ماوەی 15 خولەک درێژە دەکێشێت لە ستۆریدا و پێکدێت لە وێنەی میوزیک و ناوی میوزیک و ناوی گۆرانیبێژ و دوگمەی کردنەوەی میوزیک لە Spotify.

ساڵی ڕابردوو کۆمپانیاکە هەمان تایبەتمەندی ناوبراوی بۆ تۆڕی Instagram ـیش بەردەستکرد. مەبەست لە زیادکردنی ئەم تایبەتمەندییەکە بۆ زیاتر ناساندنی میوزیکەکان و ئاشکراکردنی حەزی گوێگرە بۆ هاوڕێکانی.

https://twitter.com/Spotify/status/1167461976592642048

لە ئێستادا تایبەتمەندییەکە بۆ ژمارەیەکی زۆر لە بەکارهێنەرانی Spotify لە iOS و Android بەردەستە و بەمنزیکانە تایبەتمەندییەکە دەگاتە دەستی سەرجەم بەکارهێنەران.

ماکوان بەرزان

نووسەری پێشکەوتوو لە Kitn لە ٢٠١٨ ـەوە. ئەندازیاری iOS لە Gateway. خوێندکاری ئەندازیاریی ئایتی لە زانکۆی پۆلیتەکنیکی سلێمانی.