Facebook Home ئێستا لە گووگڵ پلەی بەردەستە بۆ داگرتن.

لەدوای ئەوەی لە ڕۆژی ٤ی ئەم مانگە فەیسبووک ئەپی Facebook Home ڕاگەیاند و لە کۆنگرەکە بریاردرا کە ١٢ی ئەم مانگە بخرێتە گووگڵ پلەی و بەکارهێنەرانی ژمارەیەک مۆبایلی دیاریکراوی ئەندرۆید سودی لێببین. بەڵێ دوێنێ ١٢ی ٤ی ٢٠١٣ فەیسبووک کەوتە گووگڵ پلەی و ئێستا بەرددەستە بۆ داگرتن. شایەنی باسە Facebook Home بریتییە لە لۆنچەرێکی پێشکەوتوو کە لەلایەن فەیسبووک خۆی دروستکراوە و ڕێگە بە بەکارهێنەرانی مۆبایلە ئەندرۆیدەکان دەدات کە بە ئاسانی مامەڵە لەگەڵ هەژماری فەیسبووکەکەیان بکەن بەشێوەیەک کە هەر لەگەڵ کردنەوەی مۆبایلەکەت بتوانیت مامەڵە لەگەڵ فەیسبووکەکەت بکەیت و لایک و کۆمێنت بدەیت و پەیام بۆ هاوڕێیانت بنێرت.

شایەنی باسە ئەم لیستی مۆبایلە پشتگیری فەیسبووک هۆم دەکەن:

• HTC One X
• HTC One X+
• HTC One
• Samsung Galaxy S III
• Samsung Galaxy Note II
• Samsung Galaxy S4

وا بڕیارە لە مانگەکانی داهاتوو پشتگیری زیاتری مۆبایلە ئەندرۆیدەکان بکات و تایبەتمەندی زیاتری بۆ زیاد بکەن. ئێوەی بەڕێزیش کە خاوەنی ئەو مۆبایلانەی سەرەوەن دەتوانن لێرەوە لە گووگڵ پلەی دایبگرن.

سەرچاوە aitnews

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ١٤ ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!