کۆمپانیای گووگڵ ڕێکەوتی ئەنجامدانی کۆنگرەی Google I/O 2020 ـی ئاشکرا کرد

کۆمپانیای گووگڵ ڕێکەوتی ئەنجامدانی کۆنگرەی Google I/O 2020 ـی ئاشکرا کرد.

لە سەرەتادا، گووگڵ یارییەکی سەرهێڵی بۆ بەکارهێنەران بەردەست کرد، کە بە تەواوکردنی قۆناغەکانی یارییەکە، بۆت ئاشکرا دەبوو کە لە چ ڕێکەوتێکدا کۆنگرەکە ئەنجام دەدرێت.

لە پاش ئەوەی کە ژمارەیەک بەکارهێنەر بە هۆی یارییەکەوە ڕێکەوتی بەڕێوەچوونی کۆنگرەکەیان بۆ ئاشکرا بوو، گووگڵ ئاشکرای کرد کە لە ڕێکەوتی 12 ـی مانگی 5 ـدا کۆنگرەی گەشەپێدەرانی Google I/O 2020 لە ناوچەی Shoreline Amphitheatre ـی نزیک بارەگای گووگڵ لە  شاری ماونتەین ڤیوی ویلایەتی کالیفۆڕنیای ئەمریکا ئەنجام دەدات و تاوەکو ڕێکەوتی 14 ـی هەمان مانگ بەردەوام دەبێت.

چاوەڕوان دەکرێت لە کۆنگرەکەدا، کۆمپانیای گووگڵ مۆبایلی ئاست مامناوەندی Google Pixel 4A و وەشانی نوێی سیستەمی Android و ژمارەیەک ئامێری دیکەی نوێ ڕابگەیەنێت.

بێگومان، لە ڕێکەوتە ناوبراوەکەدا، کۆنگرەکەی گووگڵتان بە زمانی کوردی بۆ ڕووماڵ دەکەین. چاوەڕوان بن!

ماکوان بەرزان

نووسەری پێشکەوتوو، هەوادار و گەشەپێدەری سەکۆکانی ئەپڵ.