مایکرۆسۆفت 22, ئه‌یلول 2021

مایکرۆسۆفت لاپتۆپی نوێی Surface Laptop Studio بە دیزاینێکی نوشتاوە نمایش کرد

 

مایکرۆسۆفت ئەمڕۆ بۆنەیەکی ئەنجامدا، نوێترین بەرهەمەکانی نمایش کرد، کۆمپانیاکە لاپتۆپێکی نوێی بە ناوی Surface Laptop Studio ڕاگەیاند و هەندێک لە بەرهەمەکانی زنجیرەی Surface نوێ کردەوە

 

لاپتۆپە نوێیەکە دیزاینی 2-in-1 ـی هەیە، واتە وەک لاپتۆپ دار دەکات، بەڵام وەک تابلێت دەچەمێتەوە و دەنوشێتێتەوە، ڕوونمایەکی قەبارە 14.4 ئینجی بە ڕوونی 2400×1600 پێکسڵ و تێکڕای نوێ بوونەوەی 120 هێرتز و پشتگیری کردن لە Dolby Vision لە خۆ دەگرێت، ڕوونماکە دەتوانرێت بە سێ شێواز دابنرێت، لاپتۆپ، شێوازی Stage، شێوازی ستۆدیۆ

 

شێوازی لاپتۆپ بۆ کاری کەسییە، شێوازی ستەیج ڕوونماکە دێتە پێشەوە و تەختەکلیلەکە دا دەشارێتەوە و بۆ تەماشا کردنی ڤیدیۆ و وێنەکان زۆر سەرنج ڕاکێش دەبێت، هەروەها شێوازی ستۆدیۆ ڕوونماکە تەخت دەکاتەوە بەسەر تەختەکلیلەکە و دەتوانیت تێبینی بنووسیت و وێنە بکێشیت

 

هەروەها پشتگیری لە پێنووسی زیرەکی نوێی کۆمپانیاکە بە ناوی Microsoft Surface Slim Pen 2 دەکات و بە پرۆسێسەری ئێنتێڵ Core i5-11300H و i7-11370H و ڕامی 16 گێگابایت و 32 گێگابایت بەردەست دەبێت، هەروەها بیرگەی تاوەکو 2 تێرابایت بەردەست دەبێت، جۆری Core i5 گرافیکی ناوەکی Intel Iris Xe لە خۆ دەگرێت و جۆری Core i7 گرافیکی Nvidia RTX 3050 Ti لەسەر جێگیر کراوە

نرخی دەست پێکی بریتییە لە 1,599 دۆلار و داواکاری پێشوەختە ئەمڕۆ بۆ بەرهەمەکە دەست پێ دەکات

 

هەروەها لاپتۆپی نوێی Surface Pro 8 نمایش کرا بە قەبارەی ڕوونمای 13 ئینج و ڕوونی 2880×1920 و تێکڕای نوێ بوونەوەی 120 هێرتز، هەروەها پشتگیری کردن لە تایبەتمەندی Dolby Vision

 

بە پرۆسێسەرەکانی ئێنتێڵ Core i3-1115G4 و Core i5-1145G7 و Core i7-1185G7 بەردەست دەبێت و بژاردەی ڕامی تاوەکو 32 گێگابایت و بیرگەی 1 تێرابایت لە جۆری SSD بەردەست دەبێت

 

کامێرای پێشەوەی ئێستا گونجاوە بۆ ڕوونی 1080 پێکسڵ و کامێرای دواوەی ڕوونی 10 مێگاپێکسڵە و دەتوانێت بە ڕوونی 4K ڤیدیۆ تۆمار بکات، هەروەها بڵندگۆی جۆری Stereo لە خۆ دەگرێت و پشتگیری لە پێنووسی زیرەکی نوێی Surface Slim Pen 2 دەکات

نرخی دەست پێکی بریتییە لە 1,099 دۆلار و لە ئەمڕۆوە داواکاری پێشوەختە بۆ بەرهەمەکە دەست پێ دەکات

سەرچاوە GSM Arena
بۆچونی تۆ