ئەپڵ خزمەتگوزاری Apple One ـی ڕاگەیاند

ئەمڕۆ ئەپڵ خزمەتگوزاری Apple One ـی ڕاگەیاند، کە کۆکراوەی بەژداربوونی بەشێک لە خزمەتگوزارییەکی دیکەی کۆمپانیاکەیە و مانگانە تەنها بڕە پارەیەکی کەمتر دەدەیت.

خزمەتگوزاری Apple One بە سێ پاکێج بەردەست دەبێت:

۱. تاکەکەس (Individual): هەریەکە لە خزمەتگوزارییەکانی Apple Music و Apple TV Plus و Apple Arcade و iCloud Drive بە قەبارەی 50 گێگابایت لە خۆ دەگرێت، نرخی 14.95$ ـە بۆ هەر مانگێک.

۲. خێزانی (Family): هەریەکە لە خزمەتگوزارییەکانی Apple Music و Apple TV Plus و Apple Arcade و iCloud Drive بە قەبارەی 200 گێگابایت لەخۆ دەگرێت، نرخی 19.95$ ـە بۆ هەر مانگێک.

۳. سەرکردە (Premier): هەریەکە لە خزمەتگوزارییەکانی Apple Music و Apple TV Plus و Apple Arcade و iCloud Drive بە قەبارەی 2 تێرابایت و Apple News+ لە وڵاتە بەردەستەکان و +Apple Fitness لەخۆ دەگرێت، نرخی 29.95$ ـە بۆ هەر مانگێک.

ئەپڵ ئۆفەری 30 ڕۆژی بە خۆڕایی دەداتە ئەو کەسانەی کە سەرەتا هەر یەک لە پاکێجەکانی خزمەتگوزاری Apple One دەکڕن، وە خاوەن Apple Card دەتوانن بڕی 3% پاشەکەوت بکەن بە کڕینی پاکێجەکان بە کارتەکانیان.

بە کڕینی پاکێجی تاکەکەسی، بڕی 6$ پاشەکەوت دەکەیت ئەگەر پێشتر خزمەتگوزارییەکانت بە جیا بکڕیبایە، وە بۆ خێزانی و سەرکردە بڕی 8$ و 25$ پاشەکەوت دەکەیت.

پاکێجی سەرکردە (Premier) بە تەنها لە وڵاتانی ئوستڕاڵیا و کەنەدا و شانشینی یەکگرتووی بەریتانیا و ویلایەتە یەکگرتووەکانی ئەمریکادا بەردەست دەبێت.

خزمەتگوزاری Apple One لە کۆتاییەکانی ئەمساڵدا بۆ هەمووان بەردەست دەکرێت.

ماکوان بەرزان

نووسەری پێشکەوتوو لە Kitn لە ٢٠١٨ ـەوە. ئەندازیاری iOS لە Gateway. خوێندکاری ئەندازیاریی ئایتی لە زانکۆی پۆلیتەکنیکی سلێمانی.