زنجیرە تابلێتی Galaxy Tab S11 نمایش کرا

سامسۆنگ لە کۆنگرەی IFA 2025 زنجیرە تابلێتی Galaxy Tab S11 نمایش کرد. ئەم زنجیرەیە دوو نەوە لە خۆ دەگرێت کە جۆری ئاسایی و ئەڵتران و تەنکتر و سووکتر کراونەتەوە.

جۆری ئاسایی خاوەن ڕوونمایەکی قەبارە 11 ئینجە لە جۆری Dynamic AMOLED 2X بە ڕوونی 2560 * 1600 پێکسڵ و تێکڕای نوێبوونەوەی 120 هێرتز و ڕووناکی کۆتایی دەگاتە 1,600 نێت. بە چیپسێتی Mediatek Dimenisty 9400 Plus بەهێز کراوە و لە دواوەیدا خاوەن یەک کامێرای سەرەکییە بە ڕوونی 13 مێگاپێکسڵ. هەروەها کامێرای سێڵفی ڕوونی 12 مێگاپێکسڵە. خاوەن پاترییەکی قەبارە 8,400 مللی ئەمپێر/کاتژمێرییە و پشتگیری لە بارگاوی کەرەوەی 45 وات دەکات. بڕوانامەی IP68ی بۆ دژە ئاو و خۆڵ و تۆز هەیە.

هەرچی جۆری ئەڵترایە، خاوەن ڕوونمایەکی قەبارە 14.6 ئینجییە بە هەمان تایبەتمەندییەکانی جۆری ئاسایی بەڵام ڕوونی 2960 * 1848 پێکسڵە واتە ڕوونی بەرزترە. هەروەها ڕوونماکەی دژە تیشکدانەوەیە. هەردوو جۆرەکەی 7 ساڵ نوێکردنەوەی ئەندرۆید و ئاسایشی مانگانەی پێدەگات.

هەمان چیپسێتی لەسەر جێگیر کراوە و لە دواوەیدا جیا لە کامێرای سەرەکی کامێرای گۆشە فراوانی بە ڕوونی 8 مێگاپێکسڵ هەیە. هەروەها پاترییەکەی قەبارەی 11,600 مللی ئەمپێر/کاتژمێرە و بەهەمان شێوە پشتگیری لە بارگاوی کەرەوەی 45 وات دەکات.

پێنووسی زیرەکی S Pen و تایبەتمەندی Samsung DeX دووبارە دیزاین کراونەتەوە بۆ ئەم نەوەیە نوێیانە. نرخی دەستپێکی جۆری ئاسایی بۆ بیرگەی 128 گێگابایت و ڕامی 8 گێگابایت بریتییە لە 799.99 دۆلار و بۆ جۆری ئەڵترا بریتییە لە 1,199 دۆلار.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.