بە گوێرەی ڕاپۆرتێکی ماڵپەڕ Bloomberg، کۆمپانیای ئه‌مازۆن سه‌رقاڵی دروست کردنی ئامێرێکی نوێیە و ئامێره‌که‌ش هاوشێوه‌ی ئامێری Alexa دەبێت که هه‌مان کۆمپانیا به‌رهه‌می هێناوه. ئامێری Alexa کۆمه‌ڵێک تایبه‌تمه‌ندی له‌خۆ گرتووه که ده‌توانیت فه‌رمان بده‌یت به ئامێره‌که و کاره‌کانت بۆ ئه‌نجام بدات، وه ئامێره‌کەش له‌ڕێگه‌ی مایکەوە گوێی له فه‌رمانه‌کانت ده‌گرێت و هه‌ر له‌ڕێگه‌ی ده‌نگه‌وه وه‌ڵام ده‌داته‌وه، بۆ نمونە، کڕینی شتومەکە له ڕێگه‌ی بازاڕی سەرهێڵ (ئۆنلاین) و داواکردنی گۆرانی، پرسیار کردن ده‌رباره‌ی شوێنێک، نیشاندانی شوێنه‌که، و چۆنیه‌تی گه‌یشتن به‌و شوێنه. واته به‌گشتی کۆمه‌ڵێك کاری ژیانی ڕۆژانه‌ت بۆ ئه‌نجام ده‌دات و بۆت ئاسان ده‌کات.
هەر لەم سۆنگەیەوە، هه‌ربۆیه ئەمەزۆن بە نیازە ئامێرێکی نوێ دروست بکات و ئه‌مجاره‌یان تایبه‌ت بێت به زانینی دۆخی دەروونی ئه‌و که‌سه و چۆنیه‌تی چاره‌سه‌کردنی. جێی باسه کۆمپانیای ناوبراو ئه‌وه‌ی بڵاوکردۆته‌وه ئامێره‌که وه‌كو هاوشێوه‌ی کاتژمێری ده‌ستی له‌ده‌ست ده‌کرێت و دەتوانرێت پەیوەست بکرێت به ئەپێکی مۆبایلی زیره‌ک و مایکی هه‌بێت بۆ ئه‌وه‌ی گوێی له ده‌نگی که‌سه‌که بێت و بتوانێت دۆخی دەروونی ئەو کەسە بناسێته‌وه.
شایەنی باسە، لە ئێستادا ڕوون نییە ئەم ئامێرە بەردەست دەکرێت یان نا، بەڵام ئەوەی ئاشکرایە ئەمەزۆن داهێناننامەی بۆ ئامێرەکە تۆمارکردووە و لە لایەن دەستەی نەرمەواڵەی دەنگی ئەلێکسا و دەستەی Lab126ـەوە کار لەسەر پەرەپێدانی دەکرێت.
