10
ئای ئۆ ئێس 16, تشرینی یه‌كه‌م 2019 بۆچوون

بە فەرمی یاری League of Legends: Wild Rift بۆ مۆبایل و سەکۆکانی Console بەردەست دەبێت

کۆمپانیای گەشەپێدەری یاری Riot لە پلانیدایە یارییەکی دیکە لە زنجیرەی League of Legends ڕابگەیەنێت کە ئەم جارەیان بۆ مۆبایلە و لە ساڵی 2020 بەردەست دەبێت، هەروەها بۆ سەکۆکانی Console وەک PS4, Xbox Oneـیش بەردەست دەبێت.

کۆمپانیای Riot بە ڕاگەیاندن و بەردەستکردنی چەند یارییەکی نوێ بۆ مۆبایل و سەکۆکانی Console، ئاهەنگی 10 ساڵەی تەمەنی یاری بەناوبانگی League of Legends دەکات و یاری League of Legends: Wild Rift یەکێکە لەو یارییانەی کە کۆمپانیاکە لە ساڵی داهاتوو بەردەستی دەکات، ئەوانی دیکەش یارییەکانی جۆری تەقەکردن و کارد و پێکدادانن.

یاری League of Legends: Wild Rift پێشتر لە سەکۆی PC بەردەست بووە و بە هەمان شێواز بۆ مۆبایل بەر دەست دەبێت، بە نەخشەی نوێ و هەمان شێوازی یاریکردن! 5v5 دەتوانیت لەگەڵ هاوڕێکانت بە پاڵەوان و جووڵەی تایبەت ڕووبەڕووی دوژمن ببیتەوە. دەتوانیت لێرە لە کۆگای گووگڵ پلەی پێشوەختە تۆمار بیت.

Image result for League of Legends: Wild Rift

 

یاری Project A ئەو یارییە تەقەکردنەی کۆمپانیای Riotـە و لە جۆری تەقەکەری کەسی یەکەمە، یارییەکی ستراتیژی و سەرنجڕاکێشە بە گرافیکە باو و پاکەکانی یارییەکانی League of Legends. لە ساڵی داهاتوو بۆ سەکۆی PC و مۆبایلەکان بەردەست دەبێت:

یاری جۆری کاردەکەش ناوی Legends of Runeterraـە بە هەمان شێوە یارییەکی خۆڕایی نوێی کۆمپانیای ڕیۆت دەبێت و لە ساڵی داهاتوو بۆ سەکۆی PC و مۆبایل بەردەست دەبێت. یارییەکەش لە جۆری شەڕکردن و بردنەوەیە بە کاردەکان کە لەسەر بنچینەی ڕۆڵگێڕەکانی یاری League of Legendsـە و چەند ڕۆڵگێڕێکی دیکەش لە خۆ دەگرێت.

Legends of Runterra

هێشتا ماوە و یاری Teamfight Tactics یارییەکی تری نوێی ستراتیژی شەڕکردنی دەستە دەستەیە کە 8 یاریکەر لە ڕووبەڕووبوونەوەیەکدا لە خۆ دەگرێت. دەتوانیت لێرە لە کۆگای گووگڵ پلەی پێشوەختە تۆمار بیت.

Teamfight Tactics Mobile

سەرچاوە The Verge
بۆچونی تۆ