10
ئەپ و نەرمەکاڵا 28, تشرینی دووه‌م 2019 بۆچوون

ئەپی 1984CAM بۆ تۆمارکردنی ڤیدیۆ بە شێوەی کۆن دابگرە

1984CAM ئەپێکی نوێیە بۆ دروستکردنی ڤیدیۆیی کۆن بە تۆماری VHS 80s، هەروەها بوونی دانانی کاریگەری و ناونیشان و دەستکاریکردنی وێنە و گەورە و بچوککردنی ڤیدیۆکە. هەروەک ڕووکارێکی هاوشێوەی کامێرای کۆنی VHSی هەیە لەگەڵ بوونی دوگمەی پێویست لە لاتەنیشتەکانی بۆ چالاککردن و ناچالاککردنی مایکڕۆفۆن و تۆمارکردن و نزیک و دوورکردنەوە و زیاتریش…

هەر لە ڕێگەی ئەم ئەپەوە دەتوانیت ئەو ڤیدیۆییانەی پێشتریش تۆمارتکردوون بیانهێنیتە ناو ئەپەکە، و کاریگەرییان بخەیتەسەر و بیانکەیتە شێوەیەک کە وا دیاربێت 30 ساڵ لەمەوبەر تۆمارکراون، و لەگەڵیشیدا دەتوانیت ڕێکەوت و کاتی تۆمارکردنەکە و زیاتریش بخەیتە سەریان.

شایەنی باسە، ئەپەکە دوو وەشانی هەیە، یەکێکیان خۆڕاییە و تایبەتمەندییەکانی کەمێک سنوردارن، ئەوەی تریشیان بە پارەیە و لە کاتی کڕینی تەواوی تایبەتمەندییەکان دەکرێنەوە. ئەپەکە پشتگیری لە سیستەمی ئەندرۆید 4.3 بەرەو سەر دەکات.

  • 1984CAM
    دابەزاندن
  • سەرچاوە TechWD
    تاگەکان 1984CAM
    بۆچونی تۆ