مۆبایل و تابلێت 14, ئازار 2020

مۆبایلی Nubia Red Magic 5G بە ڕوونمای 144 هێرتز و پڕۆسێسەری Snapdragon 865 ـەوە ڕاگەیاندرا

کۆمپانیای Nubia دواین مۆبایلی تایبەت بە یاریکردنی خۆی بە ناوی Nubia Red Magic 5G بە ڕوونمای 144 هێرتز و پڕۆسێسەری Snapdragon 865 و پشتگیری لە 5G ـییەوە ڕاگەیاند.

مۆبایلی Red Magic 5G خاوەن ڕوونمایەکە بە قەبارەی 6.65 ئینج لە جۆری AMOLED و بە ڕوونی +FHD و بە وردی نیشاندانی 2340 بە 1080 پێکسڵ، خێرایی نوێبوونەوەی ڕوونماکەی 144 هێرتزە و لە سەرەوەی ڕوونماکەیدا خاوەن هێڵێکی ڕەشە کە کامێرایەکی 8 مێگاپێکسڵی تێدا جێگیر کراوە و هەستەوەری پەنجەمۆرەکەشی لە ژێر ڕوونمادایە. لە پشتەوە خاوەن 3 دانە کامێرایە بە ڕوونییەکانی 64 و 8 و 2 مێگاپێکسڵ.

 

لە ناوەوە، مۆبایلەکە پڕۆسێسەری Snapdragon 865 ـی لەسەر جێگیر کراوە و توانای پشتگیری کردنی لە نەوەی پێنجەمی پەیوەندی 5G هەیە، هەروەها خاوەن ڕامی 8 و 12 و 16 گێگابایت و بیرگەی ناوەکی 128 و 256 گێگابایت و پاترییەکە بە توانستی 4,500 ملی ئەمپێر بە هەبوونی پشتگیری بارگاویکەرەوەی خێرای 55 واتی.

مۆبایلەکە خاوەن تەکنەلۆژیای ساردکەرەوەیە بە هەبوونی پانکەیەکی بچکۆلانەوە، کە لە کاتی بارگاویکردنەوە و یاریکردن پلەی گەرمی مۆبایلەکە تاوەکو 18 پلەی سیلیزی دادەبەزێنێت.

گرنگترین تایبەتمەندییەکانی مۆبایلی Nubia Red Magic 5G:

  • ڕوونما
    • قەبارە: 6.65 ئینج.
    • جۆر: AMOLED.
    • وردی نیشاندان: 1080 بە 2340 پێکسڵ.
    • خێرایی: 144 هێرتز.
  • دیزاین
    • نۆچ: هەیە.
    • چاڵی ژێر ڕوونما: نییە.
  • پڕۆسێسەر: (+Qualcomm Snapdragon 865 (7 nm.
  • گرافیک: Adreno 650.
  • ڕام: 8 و 12 و 16 گێگابایت.
  • بیرگە: 128 و 256 گێگابایت.
  • ئەستووری: 9.8 میلیمەتر.
  • کێش: 218 گرام.
  • پاتری: 4,500 ملی ئەمپێر/کاتژمێر.
  • بارگاویکردنەوە: تەکنەلۆژیای بارگاویکردنەوەی خێرا بە توانای 55 وات.
  • کامێرای پشتەوە
    • سەرەکی: 64 مێگاپێکسڵ بە تیرەی f/1.8 و لە جۆری Wide.
    • دووەم: 8 مێگاپێکسڵ لە جۆری Telephoto.
    • سێیەم: 2 مێگاپێکسڵ لە جۆری macro.
  • کامێرای پێشەوە(سێڵفی):
    • سەرەکی: 8 مێگاپێکسڵ لە جۆری Wide.
  • هەستەوەری ئاسایشی: هەستەوەری پەنجەمۆر لە ژێر ڕوونما.
  • دەرچە: USB-C – بیستۆک.
  • ڕایەڵە: 4G/LTE – Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0.
    • تایبەتمەندی NFC: هەیە.
    • تایبەتمەندی Radio: نییە.
  • سیمکارت: دووانە سیمکارت.
  • ڕەنگ: ڕەش – سووری مەریخی – سایبەر نیۆن – تێکەڵاو.
  • سیستەمی کارپێکەر: ڕووکاری Redmagic 3.0 (بنچینەکراو لەسەر Android 10).
  • حاڵەتی بەردەستبوون: بەردەست نییە.
  • نرخ: دەستپێدەکات لە 540$.

نرخەکان

  • ڕامی 8 گێگابایت و بیرگەی 128 گێگابایت: 540$.
  • ڕامی 12 گێگابایت و بیرگەی 128 گێگابایت: 585$.
  • ڕامی 12 گێگابایت و بیرگەی 256 گێگابایت: 625$.
  • ڕامی 16 گێگابایت و بیرگەی 256 گێگابایت: 712$.

وا بڕیارە لە ڕێکەوتی 19 ـی ئەم مانگەدا لە چین بەردەست بکرێت و لە مانگی داهاتووشدا دەست دەکرێت بە فرۆشتنی لە بازاڕەکانی جیهاندا.

سەرچاوە GSMArena
بۆچونی تۆ